शुक्रबार , बैसाख १०, २०७८

विश्वकै उत्कृष्ट ५ महिलामा नेपालकी रुना झा !

विश्वकै उत्कृष्ट ५ महिलामा नेपालकी रुना झा !

२० बैशाख, काठमाडौं । विश्वव्यापी कोरोना भाइरससँगको लडाईमा अग्रमोर्चामा रहेर भाइरस नियन्त्रण तथा रोकथाममा उत्कृष्ट काम गरेको भन्दै नेपाली रुना झा संयुक्त राष्ट्र संघको उत्कृष्ट पाँच महिलामा पर्न सफल भएकी छन । सयुक्त राष्ट्रसंघको यूएन वुमेनले सार्वजनिक गरेको सुचीमा , टेकुको निर्देशक डा रुना झा पनि परेकी हुन ।

झाले नेपालमा कोरोना भाइरस परीक्षणको नेतृत्व गरिरहेकी छन । झा नेतृत्वको टोलीले दैनिक ७० ओटा नमुना परीक्षण गर्छ । झाको लागि आफ्नो टोलीको सुरक्षा प्राथमिकतामा छ । यो क्रम फेब्रुअरी मध्यदेखि शुरु भएको थियो, जतिबेला उनको टोली चीनको वुहानबाट ल्याइएका १७५ नेपाली विद्यार्थीलाई राखिएको क्वारेन्टाइनमा पहिलोपटक प्रवेश गरेको थियो ।

Kumari Bank 300x290 new
Global IME Bank new
Nepal Life Insurance

आफ्नो टोलीले नमुना संकलनको लागि स्वयंसेवकको भूमिका निर्वाह गर्न नहिच्किचाएको उनी बताउँछिन् । उनको टोलीले पूरा रात नमुना संकलनमा बिताएको थियो र अर्को दिन १७५ जनाकै रिपोर्ट तयार पारिएको थियो ।

महामारी बढेसँगै उनीहरुको कामको चाप बढेको छ । तर उनी आफ्नो तर्फबाट कर्मचारीहरुलाई सहयोग गर्ने र मनोबल बढाउन सक्दो प्रयास गरिरहेकी छिन् । उनी आफूले कर्मचारीलाई सुरक्षामा विशेष ध्यान दिन आग्रह गरेको बताउँछिन् ।

अरु को-को छन त ?

संयुक्त राष्ट्रसंघको उत्कृष्ट ५ महिलामध्ये जोर्डनमा नयाँ प्रविधिको प्रयोग गर्ने अमल अल महाईराह र महाडील दबाइबेह पनि छन । यस्तै चीनको ग्रामीण क्षेत्रमा सार्वजनिक सेवा प्रदान गर्ने यान शेङ्लियान पनि यो सूचीमा परेकी छिन ।

यस्तै काजकस्तानमा हिंसामा परेकालाई सहयोग गर्ने नेमोल्चि अर्थात चुप नबसौँ अभियान पनि उत्कृष्ट ठानिएको छ । नेमोल्चिकी नेतृ डिना स्माइलोभा पनि संयुक्त राष्ट्रसंघको उत्कृष्ट ५ महिलामा पर्न सफल भएकी छन । क्यारेबियन समुदायकी र्‍याङ्किया हेनरी पनि यो सुचीमा परेकी छन । अमेरिकाको क्यालिफोर्नियामा रहेको एक होटलमा काम गर्ने उनी आफ्नो समुदायका नागरिकलाई कोरोनाबाट बच्न सक्दो सहयोग गरिरहेकी छन ।

कोरोनाले विश्वभर ३४ लाख मानिस संक्रमित छन । अहिलेसम्म २ लाख ४० हजारको ज्यान गइसकेको छ । विश्वव्यापी महामारी नियन्त्रणमा सहयोग गर्नेहरुलाई अन्तराष्ट्रिय संघ संस्थाले हौसला प्रदान गर्दै आएका छन ।

प्रतिक्रिया

सम्बन्धित समाचार

नेपालबहस ट्रेन्डिङ

लोकप्रिय