अर्थमन्त्री खतिवडाको खुल्यो भाग्य
नेपालबहस संवाददाता
बैशाख २१, २०७७ आइतबार १८:१४:१६
२१ बैशाख, काठमाडौं । सत्तारुढ नेकपाको हिजो साँझको चर्चित सचिवालय बैठकले पार्टी उपाध्यक्ष बामदेव गौतमलाई उपयुक्त समयमा प्रतिनिधिसभामा लैजाने निर्णयले अर्थमन्त्री डा. युवराज खतिवडालाई ठूलो त्राण मिलेको छ ।
करिब दुई महिनाअघि उनै बामदेवलाई राष्ट्रियसभा सदस्यमा मनोनयनका लागि सिफारिश गर्न सचिवालयले दिएको निर्देशन हिजोको बैठकले खारेज गरिदिएको छ । अब बामदेवलाई नलगी डा. खतिवडालाई सिफारिश गर्न ओलीका लागि सहज भएको छ । राष्ट्रियसभाको पहिलो कार्यकाल दुई वर्षमै समाप्त भएका डा. खतिवडालाई निरन्तरता दिन ओली चाहन्थे । तर बामदेवको नाम ल्याएर नेताहरुले अफ्ठेरो पार्न खोजेको भन्दै सचिवालयको निर्देशन अटेर गरेर बसेका थिए ।
सचिवालयको उक्त निर्णयले अर्थमन्त्री खतिवडाको पद केवल छ महिनाका लागि मात्र थपिएको थियो । नेपालको संविधान, २०७२ अनुसार संघीय सरकारको मन्त्री बन्न प्रतिनिधिसभा वा राष्ट्रियसभा मध्ये कुनै एकको सदस्य हुनैपर्ने बाध्यत्मक अवस्था छ । त्यसैले डा. खतिवडा ओली सरकारको तेस्रो बजेट ल्याएर बिदा हुने अनुमान गरिएको थियो ।
तर हिजोको सचिवालय बैठकले बामदेवको राष्ट्रियसभा च्याप्टर क्लोज गरिदिएपछि डा. खतिवडाले ओलीको सम्पूर्ण कार्यकाल काम गर्न पाउने अवस्था निर्माण भएको छ । अब खतिवडाले ६ बर्ष कै लामो कार्यकाल सांसद पद खान पाउने भएका छन् । संभवतः अब बस्ने मन्त्रिपरिषद बैठकले डा. खतिवडालाई रिक्त राष्ट्रियसभामा मनोनयनका लागि राष्ट्रपति समक्ष सिफारिश गरिने छ– बालुवाटार निकट स्रोतको दावी छ ।
डा. खतिवडालाई पार्टीका अन्य नेताहरुले त्यति नरुचाएपनि ओली भने उनकै भर परेका छन् । प्रधानमन्त्री ओली खेमाकै नेता ईश्वर पोखरेलले अर्थमन्त्री बन्ने चाहना गरेपनि पाएनन् । त्यस्तै नेता माधवकुमार नेपालले स्थायी कमिटी सदस्य सुरेन्द्र पाण्डेलाई अर्थमन्त्री बनाउन जोडबल गरेका थिए । तर प्रधानमन्त्री ओलीले डा. खतिवडालाई नै उक्त जिम्मेवारी दिने निर्णय गरेका हुन् ।
नेपालबहस संवाददाता
नेपालबहस डटकमको अंग्रेजी संस्करणका साथै अनलाइन टीभी पनि सञ्चालित छ । फेसबुक र ट्वीटरमार्फत पनि हामीसँग जोडिन सकिनेछ । नेपालबहसमा प्रकाशित कुनै सामग्रीबारे कुनै गुनासो, सूचना तथा सुझाव भए हामीलाई [email protected] मा पठाउनु होला । धन्यवाद ।
लेखकबाट थपव्यवसायीलाई जरिवाना बढी भयोः वरिष्ठ उपाध्यक्ष श्रेष्ठ
माघ १५, २०८० सोमबार
तेस्रो मुलुकका लागि निर्यातको शुभारम्भ
माघ १२, २०८० शुक्रबार
महानगरविरूद्ध सडक व्यापारीले आन्दोलन गर्ने
माघ १२, २०८० शुक्रबार
८ सय ७७ प्रहरी काजबाट फिर्ता
चैत १५, २०८० बिहिबार
देशमा अर्को उथलपुथल हुनेवाला छः प्रधानमन्त्री प्रचण्ड
चैत १५, २०८० बिहिबार
सादा पोशाकमा प्रहरी परिचालन नगर्न हेडक्वार्टरको पत्र
चैत १५, २०८० बिहिबार
छिल्लीकोटबासीको मुख्य आम्दानीको स्रोत माडागेडी
चैत १६, २०८० शुक्रबार
लागुऔषध कोकिनको कारोबारमा संलग्न दुईजना पक्राउ
चैत १६, २०८० शुक्रबार
कपनबाट पेस्तोलसहित एकजना पक्राउ
चैत १६, २०८० शुक्रबार
बाँकेमा बालविवाह न्यूनीकरण चुनौतीपूर्ण
चैत १६, २०८० शुक्रबार
जुगल हिमाल आरोहणको अन्तिम तयारीमा
चैत १६, २०८० शुक्रबार
ठेकेदारले कामको गुणस्तर र समयभन्दा बक्यौता भुक्तानीमा मात्र ध्यान दिएः प्रधानमन्त्री
चैत १६, २०८० शुक्रबार