राष्ट्रपतिबाट भयमुक्त पत्रकारितालाई आत्मसात् गर्न आह्वान

२१ बैशाख, काठमाडौं । राष्ट्रपति विद्यादेवी भण्डारीले ‘विश्व प्रेस स्वतन्त्रता दिवस’का अवसरमा सबै सञ्चारकर्मीमा शुभकामना व्यक्त गरेकी छिन् ।

उनले आज अपराह्न ट्विट गर्दै भय र पक्षधरतामुक्त पत्रकारितालाई आत्मसात् गर्दै मर्यादित र जवाफदेही भई तथ्यपूर्ण सूचना प्रवाहद्वारा ‘समृद्ध नेपाल, सुखी नेपाली’को साझा संकल्प पूरा गर्न प्रेस जगत्लाई प्रेरणा दिनेछ भन्ने आशा पनि व्यक्त गरेकी छिन् ।