शुक्रबार , बैसाख १०, २०७८

एक्सन कक्षबाटै प्रधानमन्त्री अनलाइन शिखर सम्मेलनमा सहभागी

एक्सन कक्षबाटै प्रधानमन्त्री अनलाइन शिखर सम्मेलनमा सहभागी

२२ बैशाख, काठमाडौं । प्रधानमन्त्री केपी शर्मा ओली आज सिंहदरबारस्थित एक्सन कक्षबाट असंलग्न आन्दोलन ‘नाम’को सम्पर्क समूहको अनलाइन शिखर सम्मेलनमा सहभागी भए । सम्मेलनको उद्घाटन अजरबैजानका राष्ट्रपति एवं नामका अध्यक्ष इल्याम एलियेबले गरेका थिए ।

संवादमा विश्वव्यापी महामारी भइरहेको कोरोना भाइरसको रोकथाम र नियन्त्रणका लागि जारी पहल र विश्व समुदायको साझा दायित्व तथा नामको भूमिकाबारे विचारविमर्श भएको थियो । सो अवसरमा प्रधानमन्त्रीका साथ परराष्ट्रमन्त्री प्रदीप ज्ञवाली र उनका मुख्य सल्लाहकार विष्णु रिमालसहित उच्चपदस्थ अधिकारी सहभागी भएका थिए। नाम विश्वका कुनै पनि शक्ति पक्षसँग सम्लग्न भएका १२० मुलुकहरुको साझा मञ्च हो । संयुक्त राष्ट्र सङ्घपछि विश्वमा यो दोस्रो ठूलो राष्ट्रहरुको मञ्च मानिन्छ ।

Kumari Bank 300x290 new
Global IME Bank new
Nepal Life Insurance

यसको स्थापना सन् १९६१ मा भएको थियो । विश्वमा कोरोना सङ्कटपछि यसअघि भारतीय प्रधानमन्त्री नरेन्द्र मोदीको प्रस्तावमा दक्षिण एसियाली क्षेत्रीय सहयोग सङ्गठन ‘सार्क’ का शीर्ष नेताहरुको पनि भिडियो संवाद भएको थियो ।

प्रतिक्रिया

सम्बन्धित समाचार

नेपालबहस ट्रेन्डिङ

लोकप्रिय