‘स्ट्यान्डवाइ ड्युटी’ गरिरहेकै अवस्थामा प्रहरी हवल्दारको मृत्यु

◊ धीरुभाइ

२५ बैशाख, सप्तरी । कोरोना भाइरसको महामारी फैलउकै बेला सप्तरीमा पुनः एक जना प्रहरीको ड्युटी गरिरहेकै अवस्थामा एक्कासी मृत्यु भएको छ । जिल्ला प्रहरी कार्यालय, राजविराजमा कार्यरत प्रहरी हवल्दार रामबहादुर मगरको मृत्यु भएको जिल्ला प्रहरी कार्यालय सप्तरीका प्रवक्ता डीएसपी तिलक भारतीले जानकारी दिए ।

यसअघि जिल्लामै एक जना सशस्त्र प्रहरीका असईको पनि ड्यूटी गरिरहेकै अवस्थामा मृत्यु भएको थियो । जिल्ला प्रहरी कार्यालय, सप्तरीमा कार्यरत प्रहरी हवल्दार रामबहादुर मगरको मृत्यु भएको जिल्ला प्रहरी कार्यालयका प्रवक्ता प्रहरी नायब उपरीक्षक तिलक भारतीले जानकारी दिए ।

खोटाङको इलाका प्रहरी कार्यालय हलेसी महादेवस्थान दरबन्दी भई जिल्ला प्रहरी कार्यालय सप्तरीमा कार्यरत जिल्ला उदयपुर त्रियुगा नगरपालिका ९ बस्ने खडक बहादुर राना मगरको छोरा ३७ वर्षीय मगरको कार्यालयभित्रै स्ट्यान्डवाइ ड्युटी गरिरहेको बेला एक्कासी मृत्यु भएको उनले जानकारी दिए।

स्ट्यान्डबाई ड्युटीमा खटिएको मगर कार्यालको ब्यारेक बेडमै आज बिहान करिव सवा ९ बजेतिर बजेको समयमा मृत अवस्था भेटेको बताइएको छ । मगरको मृत्युबारे तत्काल केही भन्न नसकिने र पोष्टमार्टम रिपोर्ट आएपछि मात्रै थाहा हुने उनको कथन छ ।

यसअघि गत सोमबार भारतसँग सीमा जोडिएको जिल्लाको बोदे बर्साइन नगरपालिका ९ देउरीमा ड्युटीमा खटिएका सशस्त्र प्रहरीका असई कुलबहादुर कार्कीको मृत्यु भएको थियो ।