पत्रकार महासंघलाई आईएमएस ग्रुपद्वारा सात हजार मास्क हस्तान्तरण

२५ वैशाख, काठमाडौं । आईएमएस ग्रुपद्वारा नेपाल पत्रकार महासंघ, सिनामंगललाई २०७७ साल बैशाख २४ गते सात हजार मास्क हस्तान्तरण गरेको छ ।

विश्वव्यापी महामारी कोरोना भाइरस (COVID-19) को कारण सारा विश्व संकटमा छ । सोही अवस्थालाई मध्यनजर गर्दै सरकारले सामाजिक दूरीलाई बढावा दिन निर्देशन दिएको छ ।

आईएमएसले जारी गरेको विज्ञप्तिमा भनिएको छ, अझै पनि पत्रकारहरु घरबाट बाहिर निस्की आफ्नो कार्य र कर्तव्य गर्दै देशको सेवा गर्दैछन् । विश्वव्यापी महामारीको सुरु भएदेखि नै मास्कको अभाव भएको थियो, आईएमएस ग्रुुपका अध्यक्ष दीपक मल्होत्राले कर्पोरेट सामाजिक उत्तरदायित्वको अंश पूरा गर्न पर्याप्त मात्रामा मास्क प्रदान गर्दै आएका छन् ।

आईएमएस ग्रुपको बारेमा
आईएमएस ग्रुपका एक स्थानीय समूह हो । जसको अन्तर्गत २० भन्दा बढी कम्पनिहरु छन् । आईएमएस नेपालमा सामसङ्ग स्मार्टफोनको राष्ट्रिय वितरक हो । सन् १९९८ मा आधिकारिक रूपमा मोबाइल फोन आयात गर्ने यो नेपालको पहिलो कम्पनी हो । कम्पनीले विगत २७ बर्षमा विशाल उन्नती गरेको छ, जुन आईएमएस ग्रुपको कम्पनीहरूको संख्याबाट स्पष्टसँग देख्न सकिन्छ ।

कम्पनीले लक्जरी कोरियाली अटोमोबाइल ब्रान्ड साङ्योङ्गको डिलरसिप पनि प्राप्त गरेको छ र हालसालै नेपालका लागि डक्टरब्राउन, क्रेन, हिमालय, बीबी लभ, एनर्जाइजर र डीजिआइ जस्ता अन्तर्राष्ट्रिय ब्रान्डहरूको डिलरशिप पनि प्राप्त गरेको छ । यसले शिक्षा, बैंकि, निर्माण, कृषि र अन्य धेरैमा आफ्ना सेवाहरू विस्तार गरेको छ ।