विश्वभर कोरोनाका कारण २ लाख ७६ हजार २ सय १६ को मृत्यु

२७ बैशाख, काठमाडौं । विश्वभर महामारीको रुप लिएको कोरोना भाइरसबाट संक्रमित हुनेको संख्या अमेरिकामा कोरोना १३  लाख पुगेको छ । हामीले यो समाचार तयार पार्दासम्म १३ लाख २१ हजार ७ सय ८५ जना संक्रमित भएका छन् ।

यस्तै समाचार एजेन्सीहरुका अनुसार कोरोना संक्रमणबाट मृत्यु हुनेको संख्या ७८ हजार ६ सय १५पुगेको छ । अमेरिकी उपराष्ट्रपति माइक पेन्सको एक जना प्रमुख सहयोगीलाई पनि कोरोना संक्रमण पुष्टि भएको छ । शुक्रबार उपराष्ट्रपति माइक पेन्सको प्रेस सेक्रेटरी केटी मिलरमा कोरोना पोजेटिभ पाइएको हो ।

यसभन्दा ठीक एक दिन अगाडि राष्ट्रपति डोनाल्ड ट्रम्पको सहयोगीलाई पनि कोरोना पुष्टि भएको थियो । यससँगै ह्वाइट हाउसले अब दैनिक रुपमा राष्ट्रपति ट्रम्प र उपराष्ट्रपति माइक पेन्सको कोरोना परीक्षण सुरु गर्न थालेको छ ।

अहिले विश्वभर महामारीबाट ४१ लाख १२ हजार ८ सय ५७ जना संक्रमित भएका छन् भने, कोरोनाका कारण २ लाख ७६ हजार २ सय १६ जनाको मृत्यु भएको छ । पछिल्लो तथ्याङ अनुसार विश्वभर उपचारपछि निको भएर १३ लाख ८५ हजार १ सय ८६ जना घर फर्किएका छन् ।