ओली र प्रचण्डद्धारा भारतलाई संयुक्त चेतावनी, सीमा नमिच्न आग्रह

२८ बैशाख, काठमाडौं । नेपाली सीमा मिचेर भारतले सडक बनाएर नेपाली भूमि अतिक्रमण गरेको भन्दै नेपाल कम्युनिष्ट पार्टी ‘नेकपा’का अध्यक्षद्वय केपी शर्मा ओली र प्रचण्डले संयुक्त विज्ञप्तिमार्फत आपत्ति जनाएका छन् । साथै उनीहरुले तत्काल आफ्नो गल्ती सच्याउन पनि भारतसँग माग गरेका छन ।

शनिबार साँझ दुबै अध्यक्षले विज्ञप्ती जारी गरेर भारतीय कदमविरुद्ध विरोध जनाएका हुन । नेपालसँगै सिंगो विश्व कोरोनाको महामारीविरुद्ध जुधिरहेका बेला भारतले नेपाली भूमिमाथि अतिक्रमण गरेको पनि दुबै अध्यक्षको ठोकुवा छ ।

दुईदेशवीचको सीमा समस्या समाधानका लागि दुई देशका सरकारवीच भइरहेका प्रयासलाई नेकपाले समर्थन गर्ने बताउँदै यो ससस्या समाधानका लागि दुबै देशका सरकारहरुले तत्काल पहल थाल्नुपर्ने नेकपाले बताएको छ । यसअघि शनिबार नै सरकारका तर्फबाट परराष्ट्रमन्त्री प्रदीप ज्ञवालीले विज्ञप्ती निकालेर भारतीय कदमको विरोध गरेका थिए ।