कांंग्रेस प्रदेश सदस्य यादवले गरिन पोखरीघाटको शिलान्यास

धीरुभाई

२९ बैशाख, सप्तरी । नेपाली कांग्रेसका प्रदेश २ का प्रदेश सदस्य गीताकुमारी यादवले सोमबार एक पोखरीघाटको शिलान्यास गरेकी छिन् ।

सरकारले लकडाउनमा सशर्त नियम पालना गरी कामका प्रकार तोकिएपछि सामाजिक दुरी कायम गरी राजविराज नगरपालिका वार्ड नम्बर १६ बोरियास्थित डिहबार बाबा पोखरीघाटको शिलान्यास भएको हो । संसदीय विकास कार्यक्रम अन्तर्गत निर्माण गरिने सो घाटको प्रदेश २ का प्रदेश सदस्य गीतादेवी यादव र सो वार्डका अध्यक्ष बुचाइ दासले संयुक्त रुपमा शिलान्यास गरेका थिए ।

उपभोक्ता समितिका अध्यक्ष अशोककुमार यादवका अनुसार कूल १२ लाख ५० हजारको लागतमा निर्माण हुने घाटको लम्बाइ साढे २२ मिटर, चौडाइ छ मिटर रहेको छ । छ स्टेप रहने घाट निर्माणले सार्वजनिक पोखरीको संरक्षण हुनुको साथै पोखरीबाट नगरपालिकाको आयस्रोत बढ्ने सभा सदस्य यादवको भनाई छ ।