घर फर्काउन माग गर्दै बंगलादेशमा नेपाली विद्यार्थी रिले अनशनमा

१ जेठ, काठमाडौं । कोरोना जोखिमका कारण आफु असुरक्षित रहेकाले घर फकाईदिन माग गर्दै बंगलादेशमा रहेका नेपाली विद्यार्थीले रिले अनशन थालेका छन । पाँच दिनदेखि उनीहरुले घर फर्काउन माग गर्दै रिले अनशन थालेका हुन ।

स्वदेश फर्किनका लागि बंगलादेशमा रहेको नेपाली दुतावासमा पटक पटक आग्रह गर्दा पनि बेवास्ता गरेपछि उनीहरुले डिजिटल रिले अनशन थालेका हुन । स्वदेश फर्किनका लागि आफै विमानको भाडा तिर्न तयार रहेको भएपनि सरकारले स्वेदश फर्काउन कुनै पहल नगरेको उनीहरुको गुनासो छ ।

बंगलादेशमा दिनदिनै संक्रमितको संख्या बढेसँगै चिन्ता र जोखिम थपिएकाले घर फर्किन चाहेको विद्यार्थीको भनाई छ । नेपाली दुतावासले भने स्वदेश फर्काउने बताएपनि प्रक्रिया शुरु नगर्दा बंगलादेशमा रहेका नेपाली विद्यार्थी कोरोना संक्रमित भएर मर्ने हो कि भन्ने डरले पिरोलिएका छन ।