चौतर्फी बिरोधपछि पूर्वराजा शाहले पाए सवारी पास, आजै काठमाडौं आउने

२ जेठ, काठमाडौं । चौतर्फी बिरोध भएपछि सरकारले पूर्वराजा ज्ञानेन्द्र शाहलाई पास उपलब्ध गराएको छ । लकडाउनका कारण पूर्वको झापामा बिगत ५५ दिनदेखि रोकिएका पूर्वराजा शाह सवारी पास पाएपछि आजै काठमाडौंतर्फ हिडेका छन् ।

जिल्ला प्रशासन कार्यालय झापाले एकपटक सवारी पास दिएर पुन खोसेपछि सञ्चारमाध्याम र सामाजिक सञ्जालमा व्यापक बिरोध भएको थियो । लकडाउनलाई सरकारले थप कडाई गर्न लागेपछि उनी काठमाडौं आउन आमनागरिकले सरह पासको निवेदन दिएका थिए ।

झापा प्रशासनले हिजै गृह मन्त्रालयको सहमति लिई सवारी पास दिएपछि आज शुक्रबार उनी झापाबाट काठमाडौंतर्फ प्रस्थान गरिसकेका छन् ।

निजी भ्रमणमा झापा पुगेका पूर्व राजदम्पत्ति लकडाउन सुरु भएपछि त्यहीँ रोकिएका थिए । लकडाउन लम्बिँदै गएपछि उनीहरु काठमाडौं आउन चाहेका हुन् ।