नीति तथा कार्यक्रम लामो निबन्ध भएको कांग्रेसको टिप्पणी

२ जेठ, काठमाडौं ।  सरकारको नीति तथा कार्यक्रमलाई प्रतिपक्षी दलले लामो निम्बन्धको संज्ञा दिएका छन । प्रमुख विपक्षी नेपाली कांग्रेसका सांसद डा. मिनेन्द्र रिजालले सरकारले शुक्रबार प्रस्तुत गरेको नीति तथा कार्यक्रम लामो निबन्ध भएको टिप्पणी गरेका हुन ।

संसद भवन बाहिर पत्रकारलाई प्रतिक्रिया दिँदै नेता रिजालले सरकारले आफैले गर्न खोजेका काम छाडेर कोरा भाषण मात्रै नीति तथा कार्यक्रममा राखेको आरोप लगाए ।

नीति तथा कार्यक्रम बिर्सेर कामको प्राथमिकतामा लाग्न सरकारलाई उनले सुझाव पनि दिएका छन । कोरोना महामारीबाट जनता प्रताडित भएकाले त्यसबारे गम्भिर बन्न नेता रिजालको सुझाव छ ।