बारामा प्रहरी जवानलाई कोरोना संक्रमण !

३ जेठ, काठमाडौं । नागरिकको सुरक्षामा खटिएका एक जना प्रहरी जवानलाई कोरोना भाइरस संक्रमणको पुष्टि भएको छ । प्रहरी जवानलाई कोरोना संक्रमण भएको पाइएको टेकु अस्पतालले जनाएको छ ।

बाराका अहिले कन्ट्याक ट्रेसिङ थालिएको छ। अहिले उनीसँग सम्पर्कमा आएका व्यक्तिको स्वाब संकलन गरेर परीक्षणका लागि काठमाडौं पठाउने तयारी जिल्ला प्रहरी कार्यालयले जनाएको छ ।

स्रोतका अनुसार जवान प्रहरीको मुद्दा शाखामा कार्यरत भएकाले जिल्ला सरकारी वकिलको कार्यालयसहित जिल्ला प्रशासन कार्यालयमा कार्यरत समेतको गरी २५ जनाको पीसीआर परीक्षणका लागि स्वाब संकलन गरिएको छ ।

यसअघि काठमाडौंमा दुई जना सशस्त्र प्रहरी जवानमा कोरोना भाइरसको संक्रमण देखिएको थियो । कपिलवस्तुमा पनि नेपाल प्रहरीका सई र हवल्दारसहित सशस्त्र प्रहरीका सई र अर्का एक जना राष्ट्रिय अनुसन्धान विभागका असई कोरोना भाइरसबाट संक्रमित भएका थिए ।