लकडाउनमा सुरक्षाकर्मी र स्वास्थ्यकर्मीलाई दैनिक खाजा वितरण
नेपालबहस संवाददाता
जेठ ५, २०७७ सोमबार २०:३७:८
५ जेठ, भोजपुर । भोजपुरको पौवादुङमा गाउँपालिकाले ‘लकडाउन’का समयमा खटिने सुरक्षाकर्मी र स्वास्थ्यकर्मीलाई दैनिक खाजा भत्ता वितरण गर्दै आएको छ । कार्यस्थलमा दिनरात खटिएका उनीहरुलाई प्रोत्साहन गर्ने उद्देश्यका साथ भत्ता वितरण थालिएको गाउँपालिका उपाध्यक्ष सम्झना राईले जानकारी दिए ।
उनले भने, “कार्यस्थलमा दिनरात खट्ने सुरक्षाकर्मी र स्वास्थ्यकर्मीको मनोबल उच्च बनाउने उद्देश्यले गाउँकार्यपालिकाको निर्णयअनुसार उनीहरुलाई दैनिक खाजा भत्ता दिँदै आएका छौँ ।” गाउँपालिकाको निर्णयअनुसार सुरक्षाकर्मी र स्वास्थ्यकर्मीका इञ्चार्जले दैनिक रु तीन÷तीन सय र अन्य सुरक्षाकर्मी र स्वास्थ्यकर्मीले रु दुई÷दुई सयका दरले भत्ता पाउँदै आएका छन् । त्यस्तै इञ्चार्जले महिनामा रु एक हजार र स्वास्थ्य स्वयंसेविकाले रु ५०० का सञ्चार खर्चसमेत पाउँदै आएको गाउँपालिकाले जनाएको छ ।
गाउँपालिकाले इलाका प्रहरी कार्यालय तिवारीभञ्ज्याङ, प्रहरी चौकी बास्तीम, प्रहरी चौकी च्याङ्ग्रेका तीन इञ्चार्जसहित ४१ जना सुरक्षाकर्मीलाई भत्ता दिँदै आएको छ । त्यस्तै स्वास्थ्य चौकी श्यामशिला, तिवारीभञ्ज्याङ, बास्तीम, च्याङ्ग्रे, सानोदुङमा र ठूलोदुङमाका छ जना इञ्चार्जसहित ३५ जना स्वास्थ्यकर्मीले पनि भत्ता पाउँदै आएका छन् ।
त्यस्तैगरी गाउँपालिकाले आफ्नो क्षेत्रमा प्रवेश गर्ने ठूलोदुङमाको फत्तेपुर, सानोदुङमाको अधेँरीघाट र सिक्रेमा पर्ने मुख्य सीमानाकामा रहेका तीन जना हेरालुलाई दैनिक रु एक हजार भत्तासँगै रु एक हजार सञ्चार खर्च र ५४ जना स्वास्थ्य स्वयंसेविकालाई मासिक रु ५०० का दरले सञ्चार खर्च दिँदै आएको गाउँपालिकाका प्रमुख प्रशासकीय अधिकृत रमेश राईले जानकारी दिए।
कोभिड–१९ को सङ्क्रमण फैलिन नदिन गाउँपालिकाका सबै घरघरमा स्वास्थ्यकर्मीले जाँच गर्ने व्यवस्था मिलाएको उपाध्यक्ष राईले जानकारी दिए । गाउँपालिकाले सबै स्वास्थ्य चौकीमा नेपाल सरकारले दिएको ३५ प्रकारका औषधिबाहेक अन्य थप नौ प्रकारका औषधि खरिद गरेर वितरण गरेको उनको भनाइ छ ।
“कोरोनाको यो अवस्थामा गाउँपालिका गम्भीर भएर लागेको छ, हामीले गर्भवती महिलालाई क्याल्सियम र किशोरीलाई आइरन चक्की नियमितरुपमा वितरण गर्ने व्यवस्था मिलाएका छौँ”, उनले भने।
गाउँपालिकाले कार्यसम्पादनलाई ध्यानमा राख्दै भक्ता वितरण गरेकाले दैनिक काम गर्न सहज भएको गाउँपालिकाका स्वास्थ्य संयोजक ज्ञानु दाहालले बताए । संयोजक दाहालले भने, “अन्य ठाउँमा यस्तो सुविधा छैन, गाउँपालिकाले गरेको यो निर्णयले हामीलाई काम गर्नमा मनोबल थपिएको छ, भने कार्यस्थलमा खट्नसमेत सहजता छ ।” गाउँपालिकाका अनुसार गत वैशाख महिनासम्म करिब रु सात लाख भत्ताबापत निकासा भइसकेको छ ।
नेपालबहस संवाददाता
नेपालबहस डटकमको अंग्रेजी संस्करणका साथै अनलाइन टीभी पनि सञ्चालित छ । फेसबुक र ट्वीटरमार्फत पनि हामीसँग जोडिन सकिनेछ । नेपालबहसमा प्रकाशित कुनै सामग्रीबारे कुनै गुनासो, सूचना तथा सुझाव भए हामीलाई [email protected] मा पठाउनु होला । धन्यवाद ।
लेखकबाट थपबुधबार बैंकिङ प्रणालीबाट ३० अर्ब उठाउँदै राष्ट्र बैंक
माघ २, २०८० मंगलबार
बर्खास्त गर्ने चेतावनी दिएपछि एमालेका मन्त्रीहरूले दिए राजीनामा
चैत २१, २०७९ मंगलबार
प्रहरीबाट नेता कुटिएपछि राजविराज तनावग्रस्त
चैत २१, २०७९ मंगलबार
८ सय ७७ प्रहरी काजबाट फिर्ता
चैत १५, २०८० बिहिबार
देशमा अर्को उथलपुथल हुनेवाला छः प्रधानमन्त्री प्रचण्ड
चैत १५, २०८० बिहिबार
सादा पोशाकमा प्रहरी परिचालन नगर्न हेडक्वार्टरको पत्र
चैत १५, २०८० बिहिबार
हेलम्बुमा हाइअल्टिच्युड भलिबल प्रतियोगिता हुने
चैत १६, २०८० शुक्रबार
सिद्धि हाइड्रो कम्पनीको शेयर निष्कासन तथा बिक्री प्रबन्धकमा सिटिजन्स क्यापिटल
चैत १६, २०८० शुक्रबार
अतिथि सत्कार घरबासमा विदेशी पर्यटक बढ्दै
चैत १६, २०८० शुक्रबार
देउडा खेल्दै सर्वसाधारण
चैत १६, २०८० शुक्रबार
उप निर्वाचनलक्षित एजेन्डा पासगर्दै किसान महासंघ केन्द्रीय समितिको बैठक इलाममा सम्पन्न
चैत १६, २०८० शुक्रबार
धार्मिक पर्यटकीय स्थल बिम गाउँ
चैत १६, २०८० शुक्रबार