भारतमा कोरोना संक्रमितकाे संख्या एक लाख नाघ्यो

६ जेठ, एजेन्सी । भारतमा कोरोना भाइरसबाट संक्रमित हुनेको संख्या एक लाख भन्दा बढी पुगेको छ । पछिल्लो २४ घण्टामा संक्रमितको संख्या चार हजार ९७० ले थपिएको स्वास्थ्य तथा परिवार कल्याण मन्त्रालयले जनाएको छ ।

योसँगै भारतमा कुल संक्रमितको संख्या एक लाख एक हजार १३९ पुगेको छ । पछिल्लो २४ घण्टामा कोभिड–१९ बाट भारतमा १३४ जनाको ज्यान गएको छ । योसँगै मृत्यु हुनेको कुल संख्या तीन हजार १६३ भएको छ । संक्रमित मध्ये ३९ हजार १७४ जना संक्रमण मुक्त भएर घर फर्किएका छन् ।

सबैभन्दा बढी प्रभावित भएको महाराष्ट्रमा ३५ हजार ५८ जनामा संक्रमण पुष्टि भएको छ । त्यहाँ मृत्यु हुनेको संख्या १२ सय ४९ रहेको छ । यस्तै तमिलनाडुमा ११ हजार ७६० र गुजरातमा ११ हजार ७४५ जनामा कोरोना भाइरसको संक्रमण पुटि भएको छ ।