संसद्मा प्रधानमन्त्रीलाई असहज

६ जेठ, काठमाडौं । प्रधानमन्त्री केपी ओली अहिले संसद्मा सरकारले पेश गरेको नीति तथा कार्यक्रममाथि उठेको प्रश्नको जवाफ दिंदैछन् । करिब १५ मिनेट बोलेपछि ओलीले असहज महसुस गरेका छन् ।

बोल्दाबोल्दै प्रधानमन्त्री ओलीले भने– सभामुख महोदय, मलाई उभिएर बोल्दा अलि असहज भयो । जवाफमा सभामुखले तलै बसेर जवाफ दिन आग्रह गरे । तर ओलीले रोष्ट्रममै बसेर बोल्ने इच्छा जाहेर गरे ।

लगत्तै सभामुख अग्निप्रसाद सापकोटाले सँगै रहेका महासचिबलाई अह्राए– सम्माननीय प्रधानमन्त्रीज्यूलाई बस्ने कुर्सीको बन्दोबस्त गर्नुस् । कुर्सीको व्यवस्था भएपछि प्रधानमन्त्री ओलीले आफ्नो जवाफ जारी राखेका छन् ।

जवाफ दिनेक्रममा उनले यसअघि कोरोनाबाट जनताको ज्यान नजाओस् भनी प्रयत्न गर्दापनि सफल नभएकोमा कमजोरी स्वीकार गरे । साथै, चीन र युरोप भन्दा भारतबाट इम्पोर्टेड भाइरस कडा भएको टिप्पणी गरे ।