राष्ट्र बैंकद्धारा विभाग तथा कार्यालयको नाम परिवर्तन [ हेर्नुस सूचीसहित ]

७ जेठ, काठमाडौं । नेपाल राष्ट्र बैंकले आफ्ना विभाग तथा कार्यालयहरुको नाम परिवर्तन गरेको छ। राष्ट्र बैंकले सूचना जारी गर्दै आफ्ना सातवटा विभागको नाम परिवर्तन गरिएको जानकारी दिएको हो।

साउन १ गतेदेखि लागू हुने गरी गभर्नरस्तरीय निर्णयबाट नाम परिवर्तन गरेको राष्ट्र बैंकले जनाएको छ । सामान्य सेवा विभागको नाम सम्पत्ति तथा सेवा ब्यवस्थापन विभाग भएको छ ।

अनुसन्धान विभागको नाम आर्थिक अनुसन्धान विभाग भएको छ । सूचना प्रविधि विभाग महाशाखामा परिणत भएको छ । उपत्यका बाहिरका कार्यालयहरुको नाम प्रदेशस्थित कार्यालयमा रूपान्तरण भएको छ ।

त्यस्तै, लघुवित्त प्रवर्द्धन तथा सुपरिवेक्षण विभागको नाम लघुवित्त संस्था सुपरिवेक्षण विभाग नामाकरण गरिएको छ । संस्थागत योजना विभागको नाम संस्थागत योजना तथा जोखिम ब्यवस्थापन विभाग भएको छ । बैंकिङ कार्यालय बैंकिङ विभाग भएको छ ।