लकडाउनका बेला इन्द्रेणीघाटका बासिन्दालाई नउठाउन नुवाकोट कांग्रेसको आग्रह
नेपालबहस संवाददाता
जेठ १०, २०७७ शनिबार २१:१६:५५
१० जेठ, काठमाडौं । लकडाउनका बेला ईन्द्रेणीघाटका बासिन्दालाई जबरजस्ती नहटाउन नेपाली कांग्रेस नुवाकोटले आग्रह गरेको छ । नेपाली कांग्रेस नुवाकोटका सभापति जगदीश्वरनरसिंह केसीले आज एक विज्ञप्ति जारी गर्दै नुवाकोटको विदुर नगरपालिका वडा नम्बर १ इन्द्रेणीघाटमा अस्थायी बसोबास गर्दै आएका परिवारहरूलाई सो ठाउँबाट हटाउने विदुर नगरपालिकाको निर्णय र त्यसविरुद्ध त्यहाँका बासिन्दाले जेठ ९ गते शुक्रबार गरेका विरोधको घटनाप्रति नेपाली कांग्रेस नुवाकोटको गम्भीर ध्यानाकर्षण भएको जनाएका छन् ।
इन्द्रेणीघाटको सार्वजनिक चउरमा २०७२ को भूकम्पको समयदेखि बस्दै आएका मानिसहरूलाई उपयुक्त समयमा सम्मानजनक तरिकाले उनीहरूको गाउँ ठाउँमा फर्काउने र इन्द्रेणीघाटको जमिनलाई सार्वजनिक हितमा उपयोग गर्ने पक्षमा नेपाली कांग्रेस पनि रहेको विज्ञप्तिमा उल्लेख छ । तर, कोविड-१९ को महामारीले सिङ्गो मानव जाति आतङ्कित भएको र लकडाउन कायम रहेको बेला विदुर नगरपालिकाले अमानवीय तरिकाले उनीहरूलाई जबरजस्ती हटाउन लागेको घटनालाई राजनीतिक, सामाजिक, मानवीय र महामारीको संवेदनशीलता लगायत कुनैपनि दृष्टिकोणले जायज मान्न नसकिने सभापति केसीद्धारा जारी विज्ञप्तिमा जनाइएको छ ।
विज्ञप्तिमा भनिएको छ : “एकातिर लकडाउन कायम रहेको, जिल्लामा कोरोना सङ्क्रमणको जोखिम बढ्दै गएको, कुनैपनि बेला शिल गर्नुपर्ने अवस्थामा समुदाय रहेको छ भने अर्कोतिर उद्योग, व्यवसाय र रोजगारी ठप्प भई मानिसहरू चरम आर्थिक सङ्कटमा फसेर दैनिक चुलो बाल्न समेत नसक्ने अवस्थामा पुगेका र शताब्दीकै सबभन्दा ठूलो सङ्कट भोगिरहेका छन् । सिङ्गो विश्वले भूगोल र नागरिकताको पर्वाह नगरी मानवमात्रलाई महामारी र भोकमरीबाट जोगाउन सक्रिय भइरहेका बेला विदुर नगरपालिकाले उनीहरूलाई हटाउन खोज्नु समयका दृष्टिले अनुचित र पूर्वाग्रह प्रेरित रहेको नेपाली कांग्रेसको निश्कर्ष छ ।”
हिजो भूकम्पको सङ्कटका बेला आफ्नो बस्ती असुरक्षित भई अस्थायी रूपमा इन्द्रेणीघाटमा बस्न पाएकै आधारमा त्यहाँ बसोबास गर्नेहरूले सधैँका लागि सार्वजनिक जग्गा ओगट्न खोज्नु र महामारीको समयमा अस्थायी नै सही बासस्थानबाट मानिसहरूलाई जबर्जस्ती हटाउनु दुबै गलत भएको बताउँदै उक्त विज्ञप्तिमा महामारीको अवधिभर उनीहरूको सहमति विपरीत असुरक्षित तरिकाले इन्द्रेणीघाटका बासिन्दालाई नउठाउन नेपाली कांग्रेस विदुर नगरपालिकासमक्ष आग्रह गरिएको छ ।
नेपालबहस संवाददाता
नेपालबहस डटकमको अंग्रेजी संस्करणका साथै अनलाइन टीभी पनि सञ्चालित छ । फेसबुक र ट्वीटरमार्फत पनि हामीसँग जोडिन सकिनेछ । नेपालबहसमा प्रकाशित कुनै सामग्रीबारे कुनै गुनासो, सूचना तथा सुझाव भए हामीलाई [email protected] मा पठाउनु होला । धन्यवाद ।
लेखकबाट थपभारतले रोक्यो नेपाली चियाको निर्यात
बैशाख ७, २०८१ शुक्रबार
काठमाडौँ महानगरमा निःशुल्क उपचार, कसरी लिने सेवा ?
बैशाख ७, २०८१ शुक्रबार
वन डढेलो नियन्त्रणका लागि सिसी क्यामरा जडान
बैशाख ७, २०८१ शुक्रबार
विराटनगरको रानी क्षेत्र तनावग्रस्त, दुई समूहबीच ढुंगा हानाहान
नेपालबहस संवाददाता
बैशाख ५, २०८१ बुधबार
सत्ता र शक्ति भएपछि न प्रहरी लाग्छ, न अदालत ?
नेपालबहस संवाददाता
बैशाख ५, २०८१ बुधबार
आइसीसीको टी-२० वरियतामा दिपेन्द्रको छलाङ
नेपालबहस संवाददाता
बैशाख ५, २०८१ बुधबार
हार्दिक पाण्डेयलाई १२ लाख जरीवाना
बैशाख ७, २०८१ शुक्रबार
विलासी जीवन जिउने विद्या बालनले किन मागिन भिख ?
बैशाख ७, २०८१ शुक्रबार
त्रिभुवन विमानस्थलमा जहाज डिले हुँदा यात्रु मर्कामा, एति एयरलाइन्सको काउण्टरमै नाराबाजी
बैशाख ७, २०८१ शुक्रबार
भारतले रोक्यो नेपाली चियाको निर्यात
बैशाख ७, २०८१ शुक्रबार
संसदीय समितिमा फास्ट ट्रयाकबारे सेनाको बिफ्रिङ
बैशाख ७, २०८१ शुक्रबार
प्रिमियर कपमा तेस्रो स्थानको लागि नेपाल र हङकङ खेल्ने
बैशाख ७, २०८१ शुक्रबार
एसीसी प्रिमियर कपको फाइनलमा ओमान र युएई भिड्ने
बैशाख ७, २०८१ शुक्रबार
नेशनल पेमेन्ट गेटवे भ्रष्टाचार प्रकरणमा सुनिल पौडेल दोषी ठहर, ८ जनाले पाए सफाइ
बैशाख ७, २०८१ शुक्रबार
धरौटी बुझाउन नसकेपछि दीपेश पुनलाई जेल पठाइयो
बैशाख ७, २०८१ शुक्रबार