स्वतन्त्र मानव अधिकार समाजद्धारा आईसोलेसनका बिरामीलाई २० काटुन पानी

११ जेठ । स्वतन्त्र मानव अधिकार समाजले नारायणी उपक्षेत्रीय अस्पतालकाे आईसोलेसनमा रहेका बिरामी र नर्सलाई २० काटुन पानी उपलब्ध गराएको छ ।

समाजको केन्द्रीय कार्यालय बिरगंजले आज बीर्ताको नारायणी उपक्षेत्रीय अस्पतालका मेसु मदन प्रसाद उपाध्यायलाई यहाँस्थित आईसोलेसनमा रहेका बिरामीहरुका लागि १५ काटुन पानी र डाक्टर, अहेब र नर्सहरुका लागि ५ काटुन पानी गरेर जम्मा २० काटुन पानी उपलव्ध गराएको समाजका सभापति कृष्ण कुमार खनालले नेपालबहस डटकमलाई जानकारी दिए ।

समाजका सल्लाहकार रामेश्वर प्रसाद गुप्ताले पानीको व्यवस्था मिलाई सहयोग गरेका छन् । उक्त समारोहमा समाजका महासचिव दिपक साह कानुको पनी सहभागिता रहेको थियो ।