माफी माग्न ऐन महरलाई अखिल क्रान्तिकारीको निर्देशन, सत्ताको ध्वाँस र दम्भ नदेखाउन चेतावनी
नेपालबहस संवाददाता
जेठ १२, २०७७ सोमबार १९:५५:३६
१२ जेठ, काठमाडौं । अखिल क्रान्तिकारीले सत्ताधारी नेकपाको विद्यार्थी संगठनका संयोजक ऐन महरलाई सत्ताको ध्वाँस र दम्भ नदेखाउन र आफ्नो औकातमा रहन चेतावनी दिएको छ । अखिल क्रान्तिकारीका केन्द्रिय अध्यक्ष चिरञ्जीवी ढकालले सोमबार प्रेस विज्ञप्ति जारी गर्दै सो चेतावनी दिएका हुन् ।
अध्यक्ष ढकालले विज्ञप्ति जारी गर्दै आफ्नो मातृ पार्टी नेपाल कम्युनिष्ट पार्टीलाई कुनै पनि तथ्य र आधार बिना गरेको अनैतिक र गैरराजनीतिक टिप्पणीको घोर निन्दा एंव भत्सर्ना पनि गरेका छन । उनले महरको यो तुच्छ, विवेकहिन, गैरजिम्मेवारपुर्ण र घृणित टिप्पणीको खारेज गर्दै विगतको महान जनयुद्ब र हाल त्यसको उत्तराधिकारी आफ्नो मातृ पार्टी र यसका हजारौं शहिद, बेपत्ता र घाइते योद्बाहरुको बलिदान र योगदानबाट मात्र आजको गणतन्त्र प्राप्त भएको ठोकुवा गरेका छन् ।
अध्यक्ष ढकालले १९ दिने आन्दोलनमा खाली तिघ्रा ठटाएको भरमा मात्रै गणतन्त्र आएको होइन् भन्दै यो त महान् जनयुद्बको त्याग, समर्पण, बलिदान र युद्बबाट प्राप्त भएको हो, त्यसैले हामीलाई सत्ताको ध्वाँस र दम्भ नदेखाउनु र आफ्नो औकातमा रहनु भन्दै विज्ञप्तिमार्फत चेतावनी दिएका छन् । उनले माहाकाली सन्धि लगायत दर्जनौँ राष्ट्रघात तथा अरबौं हाम्रो खुन पसिना ठगेको एनसेलसँग मिलेमतो गर्ने, मेडिकल र शैक्षिक माफियासँग डिनर खाने, वालुवाटार जग्गा, वाइडवडी घोटाला, होलीवाइन ,सुन काण्ड, निर्मला काण्ड, स्वास्थ्य सामाग्रीमा भ्रष्टाचार र अहिले एमसीसी जस्तो राष्ट्रघाती प्रस्तावलाई सदनबाट पारित गर्ने कर्म लगायत थुप्रै काण्डमा कालो पोतिएकाहरु साँचो अर्थमा राष्ट्रघाती र जनघाती भएको ठोकुवा गरेका छन्।अध्यक्ष ढकालले बिज्ञप्तिमार्फत आफ्नो विवेकहिन टिप्पणी फिर्ता लिन र सार्वजनिक रुपमा माफी माग्न महरलाई आफ्नो संगठनको तर्फबाट निर्देशन समेत दिएका छन् ।
यस बिषयमा अखिल क्रान्तिकारीका केन्द्रिय अध्यक्ष चिरञ्जीवी ढकालले जारी गरेको प्रेस विज्ञप्तिको पूर्ण विवरण यस प्रकार रहेको छ – ” हिजो मिति २०७७ जेठ ११ गते सरकारी नेकपाको विद्यार्थी संगठनका संयोजक ऐन महरले हाम्रो मातृ पार्टी नेपाल कम्युनिष्ट पार्टीलाई कुनै पनि तथ्य र आधार बिना गरेको अनैतिक र गैरराजनीतिक टिप्पणीको हाम्रो संगठन घोर निन्दा एंव भत्सर्ना गर्दछ । महरको यो तुच्छ, विवेकहिन, गैरजिम्मेवारपुर्ण र घृणित टिप्पणीको हामी खारेज गर्दछौँ । विगतको महान जनयुद्ब र हाल त्यसको उत्तराधिकारी हाम्रो पार्टी र यसका हजारौँ शहिद बेपत्ता र घाइते योद्बाहरुको बलिदान र योगदानबाट आजको गणतन्त्र प्राप्त भएको हो । महान १० बर्षको जनयुद्बमा गणतन्त्रको स्पष्ट एजेण्डा लिएर लडेको तत्कालिन माओवादी र हालको विद्रोही नेकपालाई आतङ्ककारी करार गरेर गणतन्त्रको विरुद्ब सामन्तवादी राजतन्त्र र विदेशी मालिकहरुको निर्देशनमा हाम्रा विरुद्ब अनेकौँ फाँसिवादी षड्यन्त्र गरेको तत्कालिन एमाले वा हालको ओली गुट आज आफुलाई गणतन्त्रको ठेकेदार झैँ अभिनय गर्नु बढो बिडम्बना, हाँस्यास्पद र मजाक भएको छ ।
१९ दिने आन्दोलनमा खाली तिघ्रा ठटाएको भरमा मात्रै गणतन्त्र आएको होइन् बरु यो त महान् जनयुद्बको त्याग समर्पण बलिदान र युद्बबाट प्राप्त भएको हो त्यसैले हामीलाई सत्ताको ध्वाँस र दम्भ नदेखाउनु र आफ्नो औकातमा रहनु । माहाकाली सन्धि लगायत दर्जनौँ राष्ट्रघात अरबौँ हाम्रो खुनपसिना ठगेको एनसेलसँग मिलेमतो, मेडिकल र शैक्षिक माफियासँग डिनर, वालुवाटार जग्गा ,वाइडवडी घोटाला, होलीवाइन, सुन काण्ड ,निर्मला काण्ड, स्वास्थ्य सामाग्रीमा भ्रष्टाचार र अहिले एमसीसी जस्तो सदनबाट पारित गर्ने कर्म लगायत थुप्रै काण्डमा कालो पोतिएकाहरु साँचो अर्थमा राष्ट्रघाती र जनघाती हुन् । हाल हाम्रो संगठन र पार्टी कोरोनामा स्वास्थ्यका नियमहरुको पालना गर्दै जनसेवामा समर्पित रहदै भारतीय साम्राज्यवादले नेपालको भूमि हडपेकोमा त्यस विरुद्ब राष्ट्रियताको आन्दोलनमा पनि उत्तिकै सकृय रहेको कुरा पार्टीका आदरणीय महासचिव कमरेड विप्लव ,प्रवक्ता कमरेड प्रकाण्डलगायत नेताहरुले अन्तर्वार्ता, लेख ,विज्ञप्तिआदि मार्फत सार्वजनिक भएकै कुरा हो ।
अतः महरको यो टिप्पणीले अनेरास्ववियू भित्रकै इमान्दार देशभक्त युवा विद्यार्थी साथीहरुलाई ठुलो चोट पुगेको छ । हामी ति इमान्दार देशभक्त साथीहरुलाई धन्यवाद दिन्छौँ जसले महरको निच टिप्पणीको विभिन्न माध्यमबाट विरोध आपत्ति व्यक्त गर्नुभयो र हामी उहाँहरुलाई हाम्रो संगठनमा गोलबन्द हुन पनि विशेष अपिल गर्दछौँ । आफ्नो विवेकहिन टिप्पणी फिर्ता लिन र सार्वजनिक रुपमा माफी माग्न महरलाई हाम्रो संगठन निर्देशन गर्दछ ।”
नेपालबहस संवाददाता
नेपालबहस डटकमको अंग्रेजी संस्करणका साथै अनलाइन टीभी पनि सञ्चालित छ । फेसबुक र ट्वीटरमार्फत पनि हामीसँग जोडिन सकिनेछ । नेपालबहसमा प्रकाशित कुनै सामग्रीबारे कुनै गुनासो, सूचना तथा सुझाव भए हामीलाई [email protected] मा पठाउनु होला । धन्यवाद ।
लेखकबाट थपठेकेदारले कामको गुणस्तर र समयभन्दा बक्यौता भुक्तानीमा मात्र ध्यान दिएः प्रधानमन्त्री
चैत १६, २०८० शुक्रबार
बनेपा हाट बजार अवलोकन गर्दै प्रजिअ शर्मा
चैत १६, २०८० शुक्रबार
कांग्रेसको सहकारी विभागमा १० जना मनोनयन
चैत १६, २०८० शुक्रबार
८ सय ७७ प्रहरी काजबाट फिर्ता
चैत १५, २०८० बिहिबार
सादा पोशाकमा प्रहरी परिचालन नगर्न हेडक्वार्टरको पत्र
चैत १५, २०८० बिहिबार
डीएसपी बढुवा सिफारिसमा किन विवादमा आए प्रधानमन्त्री प्रचण्ड र अध्यक्ष ओली ?
चैत १६, २०८० शुक्रबार
पृथ्वीबाट अचानक रक्सी पूरै गायब भयो भने के हुन्छ ?
चैत १६, २०८० शुक्रबार
आइतबारबाट विशेष अदालतमा अनलाइनबाटै मुद्दाको सुनुवाइ हुने
चैत १६, २०८० शुक्रबार
आयरल्याण्ड वुल्भ्सले नेपाललाई दियो २२३ रनको लक्ष्य
चैत १६, २०८० शुक्रबार
छिल्लीकोटबासीको मुख्य आम्दानीको स्रोत माडागेडी
चैत १६, २०८० शुक्रबार
लागुऔषध कोकिनको कारोबारमा संलग्न दुईजना पक्राउ
चैत १६, २०८० शुक्रबार
कपनबाट पेस्तोलसहित एकजना पक्राउ
चैत १६, २०८० शुक्रबार