पत्रकारका लागि विशेष राहत प्याकेज घोषणा गर्न सभापति देउवाद्वारा आग्रह
नेपालबहस संवाददाता
जेठ १३, २०७७ मंगलबार १८:३८:९
१३ जेठ, काठमाडौं । पूर्व प्रधानमन्त्री एवं नेपाली कांग्रेसका सभापति शेरबहादुर देउवाले कोरोना महामारीका बेला प्रेस जगतले निर्वाह गरेको भूमिका प्रशंसनीय रहेको भन्दै सरकारले प्रेसका लागि राहतको कार्यक्रम ल्याउनुपर्नेमा जोड दिएका छन् ।
पार्टी निकट पत्रकारहरुको संगठन नेपाल प्रेस युनियनको २९ औं स्थापना दिवसको अवसरमा आज भिडियो कन्फरेन्समार्फत संवोधन गर्दे सभापति देउवाले भने– सञ्चार क्षेत्र र पत्रकारलाई जोगाउका लागि सरकारले विशेष राहतको प्याकेज घोषणा गर्नुपर्छ । कोरोनाका कारण यो क्षेत्र निकै ठूलो संकटमा परेकाले सरकार संवेदनशील भएर राहतको प्याकेज ल्याउन अग्रसर हुनुपर्छ ।
विज्ञापनको बजार नै संकुचित भएको छ, साना मात्र होइन अहिले त ठूला मिडिया हाउससमेत संकटमा छन्, त्यसैले यो क्षेत्रलाई जोगाउन तत्कालै राहतको विशेष प्याकेज आवश्यक छ– पूर्व प्रधानमन्त्री देउवाले भने । कोरोनासँग फ्रण्टलाइनमा बसेर काम गर्ने सञ्चारकर्मी नै संक्रमित भएको अवस्थालाई सरकारले संवेदनशील ढंगले नलिएको भन्दै उनले उल्टो प्रधानमन्त्री केपी ओली भने मिडिया र मिडियाकर्मीसँग आक्रोशित भएकोमा निन्दा गरे ।
अहिले सरकारबाट भएका भ्रष्टाचार र अनियमितताबारे सञ्चारमाध्यमले तथ्य प्रमाणसहित समाचार लेखिरहेका छन्, यो त प्रधानमन्त्रीका लागि ठूलो सहयोग हो, तर उल्टै ओलीजी पत्रकारप्रति रुखो बनेका छन्, यो गलत मात्र होइन निन्दनीय कुरा हो– सभापति देउवाले भने । कोरोना कहर बढ्न थालेको प्रसंग उठाउँदै उनले भने सरकार चाहिँ परीक्षणको दायरा बढाउनेतिर जिम्मेवार नभएको आरोप लगाए । परीक्षण नबढाउने अनि जनतालाई थुनेर मात्र समाधान खोज्ने – उनले प्रश्न गरेका छन् । साथै, पर्याप्त परीक्षण र स्वास्थ सामग्रीको उपलव्धता बढाउनेतिर सरकार अग्रसर हुन समेत सभापति देउवाले सुझाव दिए ।
सभापति देउवाले भ्रष्टाचारका बारेमा निडर भएर लेख्न आग्रह गर्दै आफू सधै संचारमाध्यम र संचारकर्मीको साथमा रहेको बताए । सभापति देउवाले मिडियाको खबरदारीले नै लोकतन्त्र बलियो र संस्थागत हुने उल्लेख गर्दै मिडियालाई खबरदारीको भूमिका अझै बढाउन आग्रह गरे ।
नेपालबहस संवाददाता
नेपालबहस डटकमको अंग्रेजी संस्करणका साथै अनलाइन टिभी पनि सञ्चालित छ । फेसबुक र ट्वीटरमार्फत पनि हामीसँग जोडिन सकिनेछ । नेपालबहसमा प्रकाशित कुनै सामग्रीबारे कुनै गुनासो, सूचना तथा सुझाव भए हामीलाई [email protected] मा पठाउनु होला । धन्यवाद ।
लेखकबाट थपउपनिर्वाचनमा २ हजार ३८७ प्रहरी परिचालन, ५९ मतदान केन्द्र अतिसंवेदनशील
बैशाख १३, २०८१ बिहिबार
कांग्रेस नेता शेर्पासहित ३ जनालाई धरौटीमा छाड्न सर्वाेच्चको आदेश
बैशाख १३, २०८१ बिहिबार
मन्त्रिपरिषद्को बैठकले के के निर्णय गर्यो ?
बैशाख १३, २०८१ बिहिबार
गृहमन्त्रीको आलोचना गर्ने युवकमाथि प्रहरीको चरम यातना
नेपालबहस संवाददाता
बैशाख १३, २०८१ बिहिबार
राज्यकोषबाट १-२ अर्ब निकालेर सहकारी पीडितलाई दिने गृहमन्त्रीको मुड !
नेपालबहस संवाददाता
बैशाख ११, २०८१ मंगलबार
प्रहरीले १८ जनामा मुद्दा चलायो, सर्वोच्च आइपुग्दा सात बचे
बैशाख १३, २०८१ बिहिबार
बागमती प्रदेशसभा : हिउँदे अधिवेशनका ५७ दिनमा ६ बैठक मात्रै !
बैशाख १३, २०८१ बिहिबार
नारायणी नदीमा सशस्त्रको सेमुलेशन अभ्यास सम्पन्न
बैशाख १३, २०८१ बिहिबार
बजारमा निम्न गुणस्तरको वाई वाई चाउचाउ, महानगरले चौधरी ग्रुपलाई तिरायो २ लाख
बैशाख १३, २०८१ बिहिबार
पूर्वमन्त्री अफताव आलमलाई जन्मकैदको सजाय
बैशाख १३, २०८१ बिहिबार
मटिहानीमा आगलागी : न खाने अन्न रह्यो, न फेर्ने लुगा !
बैशाख १३, २०८१ बिहिबार