कांग्रेसका प्रभावशाली नेता केसी भन्छन्:- प्रेस स्वतन्त्रता, मानव अधिकार र विधिको शासन लोकतन्त्रको अभिन्न अंग हो

१३ जेठ, काठमाडौं । नेपाली कांग्रेसका प्रभावशाली नेता तथा पूर्वमन्त्री अर्जुननरसिंह केसीले मिडियाको खबरदारीले नै लोकतन्त्र बलियो र संस्थागत हुने उल्लेख गर्दै मिडियालाई खबरदारीको भूमिका प्रभावकारी बनाउन आग्रह गरेका छन् ।

नेपाल प्रेस युनियनको २९ औं स्थापना दिवसको अवसरमा मंगलबार आफ्नो सामाजिक सञ्जाल ट्वीटमार्फत शुभकामना सन्देश दिदै नेता केसीले भ्रष्टाचार र अनियमितताका बारेमा खबरदारी भूमिकालाई प्रभावकारी रुपमा अघि बढाउन आग्रह गरेका छन् ।

उनको सन्देशमा भनिएको छ, लोकतन्त्र ,विधिको शासन, नागरिक सर्वोच्चता, अभिव्यक्ति तथा प्रेस स्वतन्त्रताकाे मोहरा र रक्षकको रुपमा निरन्तर क्रियाशिल रहदै आएको श्रमजीवी पत्रकारहरूको संस्था नेपाल प्रेस युनियनको स्थापना दिवसको उपलक्ष्यमा हार्दिक शुभकामना व्यक्त गर्दछु।

नेपाल प्रेस यूनियनको स्थापना दिवसको अवसरमा शुभकामना सन्देश दिदै उनले भने, प्रेस स्वतन्त्रता, मानव अधिकार र विधिको शासन लोकतन्त्रको अभिन्न अंग भएकाले भ्रष्टाचार र अनियमितताका बारेमा खुलेर कलम चलाउन उनले अपिल गरेका छन् ।