स्याङ्जामा पनि दुई जनामा कोरोनाको पुष्टि

१३ जेठ, स्याङ्जा । गण्डकीमा कोरोना संक्रमितको संख्या ७ पुगेको छ । स्याङ्जाका दुई जनामा कोरोना संक्रमणको पुष्टि भएसँगै संक्रमितको संख्या ७ पुगेको हो ।

जिल्ला स्वास्थ्य कार्यालय स्याङजाका अनुसार कोरोना संक्रमित वालिङस्थित सामुदायिक क्वारेन्टाइनमा रहेका दुवैजना पुरुष हुन । उनीहरु यही जेठ १० गते भारतबाट आएका थिए । उनीहरुको सोमबार पोखरास्थित प्रदेश जनस्वास्थ्य प्रयोगशालामा स्वाब परीक्षण भएको थियो

यसअघि गण्डकीका बागलुङमा २, पूर्वी नवलपरासीमा २ र लमजुङका एकजनामा कोरोना देखिएको थियो । उनीहरुमध्ये बागलुङका २ जना उपचारपछि निको भएर घर फर्किएका छन् । एकजनाको काठमाडौं र दुईजनाको चितवनमा उपचार भइरहेको छ ।