आर्थिक वृद्धिदर २.३ प्रतिशतमा खुम्चिने अनुमान

१३ जेठ, काठमाडौं । विश्वव्यापी फैलिएको कोरोना भाइरसका कारण आर्थिक वृद्धिदरमा असर पर्ने भएको छ ।अर्थमन्त्री डा. युवराज खतिवडाले संसदमा आर्थिक सर्वेक्षण प्रतिवेदन-२०७६/७७ सार्वजनिक गर्दै चालु आर्थिक वर्षको आर्थिक वृद्धिदर २.३ प्रतिशतमा खुम्चिने अनुमान रहेको बताएका छन् ।

कोरोना भाइरसको प्रभावका कारण आर्थिक वृद्धिदरमा असर गरेको अर्थमन्त्रीको भनाई छ । यसअघि वैशाख १७ मा केन्द्रीय तथ्यांक विभागले यो वर्षको आर्थिक वृद्धिदर २.२७ प्रतिशत हुने अनुमान सार्वजनिक गरेको थियो । सरकारले भने विभागको भन्दा ०.०३ प्रतिशत बढाएर अनुमान सार्वजनिक गरेको छ ।

सरकारले चालु आर्थिक वर्षको बजेटले आर्थिक वृद्धिदर ८.५५ को लक्ष्य राखेको थियो । नेपालीको प्रतिव्यक्ति आय १०८५ अमेरिकी डलर रहेको उनले बताए । बीमामा २२ प्रतिशत मात्र पहुँच पुगेको अर्थमन्त्रीले सुनाए । सरकारले तिर्न बाँकी सार्वजनिक ऋण ११ खर्ब ३९ अर्ब रहेको उनले बताए । सर्वेक्षण चालु आर्थिक वर्षका ८ महिनाकाे तथ्यांकमा आधारित भएर प्रस्तुत गरिन्छ ।