अबको प्राथमिकता– स्वास्थ्य, स्वास्थ्य र केवल स्वास्थ्य
नेपालबहस संवाददाता
जेठ १३, २०७७ बुधबार ०:४१:५०
१३ जेठ, काठमाडौं । नेपाली कांग्रेसका प्रभावशाली नेता एवं पूर्वमन्त्री अर्जुननरसिंह केसीले अबको प्राथमिकता भनेको केवल स्वास्थ्यमात्र भएकोमा जोड दिएका छन् । आगामी बजेटले स्वास्थ्य क्षेत्रको विकास र विस्तारमा धेरै भन्दा धेरै ध्यान दिनुपर्ने तर्क गर्दै नेता केसीले स्वास्थ्यमा गरिने लगानी खेर नजाने स्पष्ट गरेका छन् ।
नेपालबहस डटकमसँगको विशेष कुराकानीमा नेता केसीले भने– आजभन्दा ४२ वर्षअघि नेपालले गरेको अन्तर्राष्ट्रिय प्रतिबद्धता बमोजिम काम गर्ने बेला अहिले नै हो । सन् १९७८ मा अल्मा आटा सम्मेलनमा नेपालले समेत हस्ताक्षर गरेको स्मरण गर्दै उनले सबैका लागि स्वास्थ्य भन्ने नारालाई स्थापित गर्ने मौका अहिले बनेको उल्लेख गरे ।
उक्त सम्मेलनले हरेक राष्ट्रले आफ्नो वार्षिक बजेटमा स्वास्थ्य क्षेत्रका लागि कम्तीमा १० प्रतिशत बजेट बिनियोजन गर्नुपर्ने प्रावधान राखिएको थियो । तर नेपालले कहिल्यै त्यसलाई अबलम्बन गरेन – नेता केसी भन्छन्– म स्वास्थ्यमन्त्री हुँदा ६ प्रतिशत बजेट विनियोजन भएको थियो, अहिले त केवल ४ प्रतिशतको हाराहारीमा मात्र रहेको छ । बजेटको प्राथमिकताले स्वास्थ्य क्षेत्रलाई बनाइयो भने मात्र भोलिको चुनौतीको सामना गर्न सकिने पनि उनले बताए ।
त्यसैले अबको बजेट स्वास्थ्य केन्द्रित हुनुपर्छ– उनी भन्छन्– अहिले नै स्वास्थ्य सेवाको पूर्वाधार बनाउने बेला हो । स्वास्थ्य सेवा सुदृढ गरेर अगाडि बढ्न सकियो भने भोलिको चुनौती पार लगाउन सकिन्छ । कोभिड–१९ ले विश्व आक्रान्त रहेको बेला छ भन्दै उनले यही मौकामा नेपालले पनि पूर्वाधार थप्नुपर्छ ।
हाल केवल दुई सयको संख्यामा भेन्टिलेटर रहेको अवस्थाको चित्रण गर्दै उनले भने– कोरोनासँगको युद्ध जित्न हामीले भेन्टिलेटर पर्याप्त तयार गर्नुपर्ने हुनसक्छ, तर अहिले छैन । भर्खरै मात्र एक सुत्केरी महिलाले भेन्टिलेटरको अभावमा ज्यान गुमाउनुपरेको भन्दै उनले महामारी फैलियो भने नेपालले ठूलो चुनौतीको सामना गर्नुपर्ने पनि औंल्याए । नेपालमा हाल सात हजारको हाराहारीमा मात्रै सरकारी स्तरमा चिकित्सक रहेको भन्दै नेता केसीले त्यसमा बृद्धि गर्न सकिएन भने अबको चुनौती थेग्नै नसकिने धारणा राखेका छन् ।
जतिसक्यो धेरै स्वास्थ्य संस्था निर्माण गरी सेवा विस्तार गर्नका लागि सरकारले पर्याप्त बजेट विनियोजन गर्नुपर्छ भन्दै उनले अहिले भएको तीनसय आइसीयू र सात हजार शैयाले धान्न नसकिने तथ्याङ्क प्रस्तुत गरे । अब हामी स्वास्थ्य क्षेत्रमा आत्मनिर्भर भएनौं भने डरलाग्दो अवस्था आउन सक्छ, त्यसैले यो क्षेत्रमा धेरै भन्दा धेरै लगानी गर्नुपर्ने उनको धारणा रहेको छ । साथै, प्रधानमन्त्री केपी ओलीको ओठे गम्भिरताले केही नहुने भन्दै रोग र भोकमुक्त नेपाल बनाउने भनेको बोलीले हैन व्यवहारले हुनुपर्ने पनि नेता केसीले उल्लेख गरेका छन् ।
प्रधानमन्त्री ओलीले रोग र भोकमुक्त नेपाल हुनेछ भनेलगत्तै रोगबाटै दुई र स्वास्थ्य उपचार नपाएर एक सुत्केरी महिलाको मृत्यु भएको दृष्टान्त समेत नेता केसीले प्रस्तुत गरेका छन् । प्रधानमन्त्रीले हिजो गरेको संबोधनमा कोरोनाविरुद्धको उपचारात्मक पक्षको तयारी निराशाजनक रहेको टिप्पणी गर्दै नेता केसीले संक्रमित र मृतकको संख्या बढिरहेकोमा चिन्ता प्रकट गरे ।
साथै, पीसीआर परीक्षणमा तीब्रता दिन सुझाउँदै नेता केसीले क्वारेण्टाइनमा वैज्ञानिकता दिन र आरडीटीलाई निरुत्साहित गर्न आग्रह गरेका छन् । अब हामीसँग विकल्प छैन, केवल स्वास्थ्य क्षेत्रमा गरिने लगानी र सेवा विस्तारले मात्रै राहत पुग्ने हो – नेता केसीले भनेका छन् ।
नेपालबहस संवाददाता
नेपालबहस डटकमको अंग्रेजी संस्करणका साथै अनलाइन टीभी पनि सञ्चालित छ । फेसबुक र ट्वीटरमार्फत पनि हामीसँग जोडिन सकिनेछ । नेपालबहसमा प्रकाशित कुनै सामग्रीबारे कुनै गुनासो, सूचना तथा सुझाव भए हामीलाई [email protected] मा पठाउनु होला । धन्यवाद ।
लेखकबाट थपलगानीको वातावरण बनाउन सरकारी नीतिले निरन्तरता पाउँछ : अर्थमन्त्री पुन
बैशाख १०, २०८१ सोमबार
अमेरिका नेपालसँग थप नजिक रहेर काम गर्न इच्छुक देखियो: अर्थमन्त्री पुन
बैशाख ८, २०८१ शनिबार
सगरमाथा आरोहण उत्साहजनक : आरोहणबाट उठ्यो ५० करोडभन्दा बढी राजस्व
बैशाख ८, २०८१ शनिबार
राज्यकोषबाट १-२ अर्ब निकालेर सहकारी पीडितलाई दिने गृहमन्त्रीको मुड !
नेपालबहस संवाददाता
बैशाख ११, २०८१ मंगलबार
अमिर शेखको भ्रमणलाई लिएर सुरक्षामा कडाई
नेपालबहस संवाददाता
बैशाख १०, २०८१ सोमबार
ज्योति विकास बैंकको वित्तीय अवस्था दिन प्रतिदिन बिग्रँदो क्रममा, व्यवसाय विस्तार ठप्प
बैशाख ११, २०८१ मंगलबार
प्रधानमन्त्री प्रचण्ड र ओलीबीच भेटवार्ता, राजनीतिक घटनाक्रमको विषयमा छलफल
बैशाख ११, २०८१ मंगलबार
कांग्रेस सांसद टेकबहादुर गुरूङको निलम्बन फुकुवा
बैशाख १२, २०८१ बुधबार
फिलिपिन्समा चरम गर्मीका कारण ६ को मृत्यु
बैशाख १२, २०८१ बुधबार
चैत २७ मा कर्णालीको मुख्यमन्त्री भएका कँडेलले बल्ल नियुक्त गरे एक जना मन्त्री
बैशाख १२, २०८१ बुधबार
म्नेस्टी इन्टरनेसनलले भन्यो, सन्तोषजनक छैन विश्वमा मानव अधिकारको अवस्था
बैशाख १२, २०८१ बुधबार
लुम्बिनीका ७ जना मन्त्रीले पाए जिम्मेवारी
बैशाख १२, २०८१ बुधबार
बोलेरोको ठक्करबाट तीन युवकको मृत्यु
बैशाख १२, २०८१ बुधबार