अमेरिकामा कोरोनाबाट १ लाख ५७२ जनाको मृत्यु, १७ लाख भन्दा बढी संक्रमित

१४ जेठ, काठमाडौं । विश्वभर कोरोना भाइरसको संक्रमणका कारण निधन हुने संख्या तीन लाख ५२ हजार भन्दा माथि पुगेको छ।

जोन्स हप्किन्स विश्वविद्यालयलको कोरोना भाइरस स्रोत केन्द्रका अनुसार अहिलेसम्म कोभिड–१९ बाट विश्वभर कम्तिमा तीन लाख ५२ हजार २२५ जनाको ज्यान गएको छ । विश्वभर संक्रमितको संख्या ५६ लाख ६४ हजार भन्दा बढी रहेको छ ।

महामारीबाट सबैभन्दा धेरै प्रभावित भएको अमेरिकामा कुल संक्रमितको संख्या १७ लाख २५ हजार भन्दा बढी पुगेको छ । त्यहाँ कोभिड–१९ बाट १ लाख ५७२ जनाको ज्यान गइसकेको छ ।

महामारीको नयाँ ‘हट स्पट’ बन्दै गएको दक्षिण अमेरिकी देश ब्राजिलमा कुल संक्रमितको संख्या अमेरिकापछि सबैभन्दा धेरै छ । त्यहाँ अहिलेसम्म तीन लाख ९४ हजार भन्दा धेरैमा संक्रमण पुष्टि भएको छ । कोभिड–१९ बाट ब्राजिलमा २४ हजार पाँच सय भन्दा बढीको मृत्यु भएको छ ।

संक्रमितको संख्या रुसमा तीन लाख ६२ हजार भन्दा बढी तथा बेलायतमा दुई लाख ६६ हजार, स्पेनमा दुई लाख ३६ हजार र इटालीमा दुई लाख ३० हजार भन्दा बढी रहेको छ ।

बेलायतमा ३७ हजार १३०, इटालीमा ३२ हजार ९५५, फ्रान्समा २८ हजार ५३३ तथा स्पेनमा २७ हजार ११७ जनाको ज्यान गएको छ ।