गणतन्त्र स्थापनाकाे १२ वर्ष पुरा, राष्ट्रपतिबाट २३३ कैदीको सजाय माफी
नेपालबहस संवाददाता
जेठ १५, २०७७ बिहिबार १४:३९:४२
१५ जेठ, काठमाडौं । आज जेठ १५, नेपालको राजनीतिक इतिहासमा परिवर्तनको संवाहक, अर्थात गणतन्त्र स्थापना भएको दिन हो । राजतन्त्रको अन्त्य भई जनताको शासन स्थापना भएको दिनका रुपमा आजलाई लिने गरिन्छ ।
ठीक १३ वर्षअघि आजैका दिन नेपालको संसद्ले २४० वर्ष पुरानो राजतन्त्र अन्त्य गरी जनगणतन्त्र स्थापनाको घोषणा गरेको थियो । बितेको दिव्य १२ बर्ष नेपाली जनताका पक्षमा कत्तिको उपलव्धिमूलक रह्यो भन्ने प्रश्नको जवाफ भने गतिलो पाइएको छैन । एक जना राजा हटाएर हामीले धेरै छोटे राजालाई स्थापित गरेको गुनासो आम जनतामा पाउँछौं । जनअपेक्षा अनुसार राजनीतिक दल र नेतृत्व अगाडि नबढेकाले जनता सधैं दमित रहेको आक्रोश यथाबत छ ।
यही अवस्थाको निरन्तरताले जनतामा बिद्रोही भावना जन्मन सक्ने अवस्थाप्रति नेतृत्व वर्ग सजग र सचेत रहनुपर्ने अवस्था कायमै छ । हरेक वर्ष सरकारले गणतन्त्र दिबस भव्यताका साथ मनाउने गथ्र्याे । तर यसपटक भने कोभिड–१९ को संत्राशले गर्दा औपचारिक कार्यक्रम राखिएको छैन । जनतामा खासै रुचि र आकर्षण नभएपनि सरकारी पक्षबाट दीपावली लगायत केही औपचारिक कार्यक्रमको आयोजना गरिन्थ्यो । २०६५ साल जेठ १५ गते नेपालमा गणतन्त्र स्थापनाको निर्णय भएको थियो ।
राष्ट्रपतिबाट २३३ कैदीलाई माफी मिनाहा
राष्ट्रपति विद्यादेवी भण्डारीले मन्त्रिपरिषद्को सिफारिशमा २३३ कैदीको बाँकी कैद सजाय माफी मिनाहा गरेकी छिन्। नेपालको संविधान धारा २७६, फौजदारी कसुर (सजाय निर्धारण तथा कार्यान्वयन) ऐन २०७४ तथा फौजदारी कसूर (कैद कट्टा) नियमावली २०७६ बमोजिम रामबहादुर भनिने रमेश विश्वकर्मासहित कैदीलाई सजाय माफी दिइएको राष्ट्रपतिको कार्यालयका सहायक प्रवक्ता केशवप्रसाद घिमिरेले विज्ञप्ति जारी सो जानकारी दिएका छन् ।
यसैगरी नेपालको संविधानको धारा २७६ र मुलुकी फौजदारी कार्यविधि संहिता २७४ को दफा १५९ बमोजिम मन्त्रिपरिषद्को सिफारिशमा कपिलदेव साह कानुसमेतका आठ व्यक्तिलाई विभिन्न अदालत, न्यायिक वा अर्धन्यायिक निकाय वा प्रशासकीय पदाधिकारी वा निकायबाट विभिन्न मितिमा भएका फैसलाबमोजिम लागेको कैद, दण्ड, जरिवाना, बिगो, सर्वस्वलगायतको सजाय माफी भएको विज्ञप्तिमा जनाइएको छ ।
नेपालबहस संवाददाता
नेपालबहस डटकमको अंग्रेजी संस्करणका साथै अनलाइन टीभी पनि सञ्चालित छ । फेसबुक र ट्वीटरमार्फत पनि हामीसँग जोडिन सकिनेछ । नेपालबहसमा प्रकाशित कुनै सामग्रीबारे कुनै गुनासो, सूचना तथा सुझाव भए हामीलाई [email protected] मा पठाउनु होला । धन्यवाद ।
लेखकबाट थपरुसी सेनामा २ सयभन्दा बढी नेपाली भर्ती
मंसिर २५, २०८० सोमबार
कीर्तिमानी सगरमाथा आरोही बुढालाई प्रधानमन्त्रीले दिए बधाई
जेठ ९, २०८० मंगलबार
सिर्सिया नदीको दुषित पानी बोकेर काठमाडौं आउँदै पीडित
जेठ ८, २०८० सोमबार
८ सय ७७ प्रहरी काजबाट फिर्ता
चैत १५, २०८० बिहिबार
आईजीपी परिर्वतनको तयारीमा गृहमन्त्री लामिछाने, पुग्ला त चलाउनेको भविष्यवाणी ?
चैत १५, २०८० बिहिबार
सरकारले तोक्यो चैते धानको समर्थन मूल्य
चैत १५, २०८० बिहिबार
‘बिराट गोल्ड कप फुटबल’ काे मुख्य प्रायोजनमा एनआईसी एशिया बैंक
चैत १५, २०८० बिहिबार
स्काउटको जग्गा कब्जामा गृहमन्त्रीको चासो, मन्त्रालयमा आयुक्तसँग छलफल
चैत १५, २०८० बिहिबार
कोशी प्रदेशले आगलागी पीडित सन्थाल समुदायका लागि स्थायी घर निर्माणमा पहल गर्ने
चैत १५, २०८० बिहिबार
सादा पोशाकमा प्रहरी परिचालन नगर्न हेडक्वार्टरको पत्र
चैत १५, २०८० बिहिबार