कोरोनाबाट विश्वमा ३ लाख ५७ हजारको मृत्यु ५८ लाख संक्रमित

१५ जेठ, एजेन्सी । गत २४ घण्टामा कोरोना भाइरस ‘कोभिड १९’ बाट ५ हजार ५८१ जनाको मृत्यु भएपछि विश्वभर कोरोनाबाट मृत्यु हुने व्यक्तिको संख्या ३ लाख ५७ हजार ७७७ पुगेको विश्व स्वास्थ्य संगठन ‘डब्लुएचओ’आफ्नो दैनिक विज्ञप्तिमा जानकारी दिएको छ ।

गत २४ घण्टामा ८४ हजार ३१४ जनाको संक्रमति विश्व भरी थपिएपछि संक्रमितको संख्या ५८ लाख ६ हजार ९७५ पुगेको डब्लुएचओले जानकारी दिएको हो ।

चीनको हुबे प्रान्तको उहान शहरबाट शुरु भएको कोरोना भाइरसले उत्तर र दक्षिण अमेरिकालाई अत्यन्त प्रभावित बनाएको छ । यहाँ २४ लाख ९५ हजार ९२४ जना संक्रमति रहेका छन् भने, १ लाख ४५ हजार ८१० जनाको मृत्यु भएको छ ।

युरोपमा २० लाख ६१ हजार ८२६ संक्रमित रहेका छन् भने, १ लाख ७६ हजार २२६ जनाको कोरोना भाइरसबाट मृत्यु भएको छ । डब्लुएचओका अनुसार संयुक्त राज्य अमेरिकामा मात्र १७ लाख ४५ हजार ८०३ जनामा कोरोना भाइरस संक्रमण रहेको जनाइएको छ । विश्व स्वास्थ्य निकायले कोरोना भाइरसको गत मार्च ११ मा विश्व महामारीको नाम दिइसकेको छ ।