घट्याे आकार, १४ खर्ब ७४ अर्बको ६४ करोड रुपैयाँको बजेट प्रस्तुत

१५ जेठ, काठमाडौं । अर्थमन्त्री डा. युवराज खतिवडा अहिले संघीय संसदकाे संयुक्त बैठकमा आगामी आर्थिक वर्ष ०७७/०७८ का लागि बजेट प्रस्ताव गरिरहेका छन् । कोरोनाभाइरस संक्रमणका बीच ल्याइएको बजेटले स्वास्थ्य क्षेत्रलाई प्राथमिकतामा राखेको छ ।

बुधबार संघीय संसदमा अर्थमन्त्री डा. युवराज खतिवडाले १४ खर्ब ७४ अर्बको ६४ करोड रुपैयाँको बजेट पेश गरेका हुन् ।चालु आर्थिक वर्ष २०७६/७७ का लागि भने सरकारले १५ खर्ब ३२ अर्बको ९६ करोड ९१ लाख रुपैयाँको बजेट ल्याएको थियो ।

आगामी आर्थिक वर्षका लागि चालुतर्फ ९ खर्ब ४८ अर्ब, पुँजीगततर्फ ३ खर्ब ५२ अर्ब ९१ करोड र वित्तीय व्यवस्थातर्फ १ खर्ब ७२ अर्ब रुपैयाँको बजेट विनियोजन गरिएको छ ।

बजेटको स्रोत व्यवस्थापनमा राजस्वबाट ८ खर्ब ८९ अर्ब रुपैयाँ, वैदेशिक अनुदानबाट ६० अर्ब, वैदेशिक ऋणबाट २ खर्ब ९९ अर्ब रुपैयाँ जुटाइने अर्थमन्त्री खतिवडाले बताए । आन्तरिक ऋणबाट २ खर्ब २५ अर्ब रुपैयाँ उठाउने उनले जानकारी दिए ।