वरिष्ठ गीतकार थापाको निधनप्रति सभापति देउवाद्धारा दुःख व्यक्त

१६ जेठ, काठमाडौं ।  नेपाली कांग्रेसका सभापति शेरबहादुर देउवाले वरिष्ठ गीतकार रत्न शमशेर थापाको निधनप्रति शोक व्यक्त गरेका छन् । सभापति देउवाले शोक विज्ञप्तिमार्फत उनीप्रति श्रद्धाञ्जलि अर्पण गर्दै शोक सन्तप्त परिवारजनमा समवेदना व्यक्त गरेका हुन् ।

नेपालको साङ्गीतिक क्षेत्रका चर्चित वरिष्ठ गीतकार थापाको निधनको खबरले दुःखित बनाएको उल्लेख गर्दै सभापति देउवाले उनको निधनबाट मुलुकलाई अपूरणीय क्षति पुगेको बताए । कालजयी र सदाबहार राष्ट्रभक्तिका गीत सिर्जना गरेर स्व थापाले नेपालको साङ्गीतिक क्षेत्रमा ठूलो योगदान पु¥याएका छन् ।