अग्रपंक्तीमा खटिने पाँच प्रमुखको स्वाब रिपोर्ट नेगेटिभ

◊ धीरुभाइ

१६, जेठ सप्तरी । सप्तरीका पाँच प्रमुखको पीसीआर रिपोर्ट नेगेटिभ भएको छ । कोरोना भाइरस संक्रमण न्युनिकरण तथा रोकथामका लागि अग्रपंक्तीमा खटिने प्रमुखहरुमा कोरोना पुष्टि भएको छैन ।

कोरोना संक्रमण न्युनिकरण तथा रोकथामका लागि अगुवाई गरिरहेका स्वास्थ्य कार्यालय प्रमुख दुनियालाल यादवसहित पाँच जनाको स्वाब परीक्षणको रिपोर्टमा कोराना पुष्टि नभएको बताइएको छ ।

यस्तै हनुमाननगर कंकालीन नगरपालिका प्रमुख, नेपाली सेना भीम दल गणमा प्रमुख, राष्ट्रिय अनुसनधान कार्यालय प्रमुख र सशस्त्र प्रहरी प्रमुखको स्वाब रिपोर्ट नेगेटिभ आएको स्वास्थ्य कार्यालय प्रमुख यादवले बताए ।

पाँचै जना प्रमुखहरुको स्वाब संकलन गरी पीसीआर परीक्षणको लागि धरान स्थित बीपी कोइराला स्वास्थ्य विज्ञान प्रतिष्ठान घोपा पठाइएको थियो । त्यहाँबाट उनीहरुको रिपोर्टमा कोरोना भाइरस संक्रमण पुष्टि नभएको उनले बताए ।