अत्यावश्यक चामलमा सूर्ती लुकाएर लैजाने पक्राउ

◊ धीरुभाइ

१६ जेठ, सप्तरी । अति आवश्यक खाद्ययबस्तुको सवारीमा अखाद्य्य सूर्तीजन्य पदार्थ फेला परेपछि नियन्त्रणमा लिएर कारबाही गरिएको छ । कोरोना भाइरस संक्रमण फैलिन नदिन जारी लकडाउनको उलंघन गरी पूर्व पश्चिम लोकराजमार्ग अन्तर्गत सप्तरीको रुपनी गाउँपालिका १ रुपनी बजारबाट चामल बोकेको स १ च १०४८ नम्बरको बोलेरो पीकअप गाडी चेकजाँच गर्ने क्रममा सूर्तीजन्य पदार्थ फेला परेको जिल्ला प्रहरी कार्यालय सप्तरीका प्रहरी प्रवक्ता प्रहरी नायब उपरीक्षक तिलक भारतीले जानकार दिए ।

प्रहरी टोलीले पीकअप गाडीमा चितवन जिल्लाको भरतपुर महानगरपालिका वडा नं. ९ बस्ने वर्ष २३ को विकास खड्काले लकडाउनको अवज्ञा गर्दै चामलको बोराहरुसँगै लुकाइछिपाइ ल्याउदै गरेको कबिर छाप सुर्ती १० पोका र बिहार छाप सुर्ती ३० पोका फेला परेको बताए ।

खडकासहित पीकअप गाडी, सामान नियन्त्रणमा लिई नेपाल सरकारद्वारा जारी गरिएको बन्दाबन्दीको उलघन गरेको कसुरमा आवश्यक कारवाहीको लागि शुक्रबार जिल्ला प्रशासन कार्यालय सप्तरीमा बुझाइएको प्रहरी नायब उपरीक्षक भारतीले जानकारी दिए ।