दिल्लीको प्रमुख अस्पतालका २०६ स्वास्थ्यकर्मीलाई कोरोना संक्रमण
नेपालबहस संवाददाता
जेठ १६, २०७७ शनिबार ५:१३:३०
१६ जेठ, काठमाडौं । भारतको राजधानी नयाँ दिल्लीस्थित एक प्रमुख अस्पताल अल इन्डिया इन्स्टिच्युड ‘एम्स’ मा कोभिड–१९ बाट अहिलेसम्म सङ्क्रमित स्वास्थ्यकर्मीको सङ्ख्या २०६ पुगेको अस्पतालले जनाएको छ । “शुक्रबार सार्वजनिक रिपोर्ट अनुसार अस्पतालका ११ कर्मचारीमा कोरोना भाइरस सङ्क्रमण पुष्टि भएको छ भने बिहीबार ३० स्वास्थ्यकर्मी सङ्क्रमित भएका थिए ।
सङ्क्रमित स्वास्थ्यकर्मी तथा कर्मचारीबारे सोधिएको प्रश्नमा अस्पतालका सुपरिन्टेन्डेन्ट तथा चिकित्सक डिके शर्माले भने, “हामीले हाम्रा स्वास्थ्यकर्मी तथा कर्मचारीका लागि आवश्यक सबै पूर्व सावधानी र सुरक्षाका उपाय अपनाएका छौँ। हाम्रा कर्मचारी सङ्क्रमित भएको पुष्टि हुँदासाथ उनीहरूलाई अलग राखी उपचार सुरू गर्ने र उनीहरूको सम्पर्कमा आएका विरामी तथा कर्मचारीहरूलाई खोजी गर्ने र आबश्यक अन्य सावधानीहरू अपनाउने गरेका छौँ ।”
उनले भने, “कुनै पनि स्वास्थ्यकर्मी वा कर्मचारी एम्समा काम गर्ने शिलशिलामा सङ्क्रमित भएको पाइएको छैन ।”एम्सले सङ्कलन गरेको पछिल्लो तथ्याङ्क अनुसार सङ्क्रमित कर्मचारीमा चिकित्सक तथा गैर–चिकित्सक दुबै रहेका भेटिएको छ । यसरी सङ्क्रमित भएकामध्ये १० आवासीय चिकित्सक, २६ नर्स र ६९ जना सुरक्षा गार्ड साथै ३४ जना सरसफाइसम्बन्धी काम गर्ने कर्मचारी रहेका अस्पताले बताएको छ ।
सङ्क्रमित भएकाहरूमध्ये धेरैले उपचारपछि निको भएर क्वारेनिटनपछि अस्पतालमा पुनः काम थालेका छन् । अस्पतालले आफ्ना कर्मचारीलाई सुरक्षाका लागि आवश्यक पर्ने सबै किसिमका सुरक्षा सामग्री उपलब्ध गराएको दावी शर्माले गरे ।
भारतको संघीय स्वास्थ्य मन्त्रालयका अनुसार शुक्रबारसम्म एक लाख ६५ हजारभन्दा बढीमा सङ्क्रमण पुष्टि भएको छ भने चार हजार ७०८ जनाको मृत्यु भएको छ । भारतमा विगत २४ घण्टामा सात हजार ४६६ व्यक्तिमा सङ्क्रमण पुष्टि भएको छ भने १७५ जनाले ज्यान गुमाएका छन् ।
भारतमा सङ्क्रमितको सङ्ख्या चीनमाभन्दा बढी
भारतमा ज्यान गुमाउनेको सङ्ख्या सबैभन्दा पहिले कोभिड–१९ सङ्क्रमण पत्ता लागेको यो वर्षको जाडो याममा विश्वकै सबैभन्दा बढी प्रभावित मुलुक चीनमा भन्दा बढी पुगेको छ । यहाँ निको भई घर फर्किनेको सङ्ख्या ७२ हजार ५४३ रहेको छ भने अहिले सङ्क्रमित रहेको सङ्ख्या ९१ हजार ६४८ रहेको छ ।
चीनमा शुक्रबारसम्म सङ्क्रमितको सङ्ख्या ८२ हजार ९९५ छ भने मृत्यु हुनेको सङ्ख्या चार हजार ६३४ रहेको छ । चीनमा निको भएर घर फर्किनेको सङ्ख्या ७८ हजार २९१ रहेको छ । चीनमा अहिले कूल ७० व्यक्तिमा सङ्क्रमणका कारण उपचार सेवा लिइरहेको चिनियाँ समाचारमाध्यमहरूले जनाएका छन् ।
नेपालबहस संवाददाता
नेपालबहस डटकमको अंग्रेजी संस्करणका साथै अनलाइन टीभी पनि सञ्चालित छ । फेसबुक र ट्वीटरमार्फत पनि हामीसँग जोडिन सकिनेछ । नेपालबहसमा प्रकाशित कुनै सामग्रीबारे कुनै गुनासो, सूचना तथा सुझाव भए हामीलाई [email protected] मा पठाउनु होला । धन्यवाद ।
लेखकबाट थपअमेरिकाले युक्रेनलाई गोप्य रुपमा दिएका लामो दुरीको मिसाइलको प्रयोग
बैशाख १३, २०८१ बिहिबार
फिलिपिन्समा चरम गर्मीका कारण ६ को मृत्यु
बैशाख १२, २०८१ बुधबार
चीनका झण्डै आधा प्रमुख शहरहरूमा भासिने समस्या
बैशाख १२, २०८१ बुधबार
राज्यकोषबाट १-२ अर्ब निकालेर सहकारी पीडितलाई दिने गृहमन्त्रीको मुड !
नेपालबहस संवाददाता
बैशाख ११, २०८१ मंगलबार
अमिर शेखको भ्रमणलाई लिएर सुरक्षामा कडाई
नेपालबहस संवाददाता
बैशाख १०, २०८१ सोमबार
इलाम उपनिर्वाचनमा कांग्रेस
बैशाख १२, २०८१ बुधबार
नेपाल र कतारबीच सरकारी ६ र निजी क्षेत्रका दुई सम्झौतामा हस्ताक्षर
बैशाख १२, २०८१ बुधबार
कम्युनिष्ट नेताको उत्तरी भ्रमण, नेपालमा बामपन्थी मिलाउने चीनको कसरत
बैशाख १२, २०८१ बुधबार
वेस्ट इन्डिज ए विरुद्ध खेल्ने नेपाली टिमको घोषणा
बैशाख १३, २०८१ बिहिबार
सुनचाँदीको मूल्य घट्यो, कतिमा हुँदै छ किनबेच ?
बैशाख १३, २०८१ बिहिबार
कटहरियाको आकस्मिक कक्षमा डाक्टर नहुँदा बिरामीका आफन्तद्वारा तालाबन्दी
बैशाख १३, २०८१ बिहिबार
गृहमन्त्रीको आलोचना गर्ने युवकमाथि प्रहरीको चरम यातना
बैशाख १३, २०८१ बिहिबार
पुरख्यौली नृत्य प्रतियोगिता
बैशाख १३, २०८१ बिहिबार
तनहुँको पर्यटकीय नगरी बन्दीपुर बजार
बैशाख १३, २०८१ बिहिबार