संविधान संशोधन प्रस्ताव पेश गरिने

१८ जेठ, काठमाडौं । प्रतिनिधिसभाको आज बस्ने बैठकमा संविधान संशोधनसम्बन्धी प्रस्ताव पेश गरिने भएको छ ।सरकारका तर्फबाट कानून तथा संसदीय व्यवस्थामन्त्री डा. शिवमाया तुम्बाहाम्फेले यस सम्वन्धी प्रस्ताव प्रस्तुत गर्ने कार्यतालिका संसद सचिवालयले निर्धारण गरेको छ ।

अहिले बिहान ११ बजे बस्ने बैठकमा प्रस्ताव प्रस्तुत गरिने तय भएको कानून मन्त्री तुम्बाहाम्फेले दिएकी छन् । संविधानमा नेपालको नक्शासहितको निशान छाप समावेश गर्ने गरी संशोधन प्रस्ताव तयार गरिएको पनि उनले बताइन् । यसअघि गत बुधबारको कार्यसूचीमा परेको यो प्रस्ताव एकाएक स्थगित भएपछि नेपाली राजनीतिक वृत्तमा विभिन्न खाले अड्कल गरिएको थियो ।

प्रमुख प्रतिपक्षी दल नेपाली कांग्रेस पनि यस सम्बन्धी प्रस्तावको पक्षका उभिन तयार भएपछि सरकारले आज फेरि प्रस्ताव दर्ता गर्न लागेको हो । कांग्रेसको हिजो बसेको केन्द्रीय कार्य समिति बैठकले संविधान संशोधनको पक्षमा दृढतापूर्वक उभिने निर्णय गरेको हो ।

नेपाली कांग्रेस प्रस्तावको पक्षमा उभिएपछि संसदमा दुई तिहाईले पारित हुनेछ । यस सम्बन्धमा अर्काे प्रतिपक्षी दल जनता समाजवादी पार्टी भने अझै अनिर्णित छ । यो संशोधनसँगै विगतदेखि आफूहरुले उठाएका माग पनि संबोधन गर्न उसले शर्त राखेको छ । तर प्रधानमन्त्री केपी ओली भने हाल यही मात्र संशोधन गर्ने पक्षमा रहेका छन् ।