नेपालकी फुटबलर सावित्रा भण्डारी विश्वकै चामत्कारिक खेलाडी
नेपालबहस संवाददाता
जेठ २०, २०७७ मंगलबार १६:४:२३
२० जेठ, काठमाडौं । ‘साम्बा’ उपनामले चिनिने फुटबलर सावित्रा भण्डारीको नाममा नेपालमा अनेक कीर्तिमानी छन् । उनी नेपालमा मात्रै नभएर दक्षिण एसियाकै चर्चित महिला फुटबलर हुन् । गोल गर्ने उत्कृष्ट कला, सेलिब्रेसन गर्ने शैली अनि हेअर स्टाइलले गर्दा पनि साम्बा अरू फुटबलरभन्दा फरक छिन् ।
नेपालका लागि कीर्तिमानी ३८ गोल गरेकी उनले अझै धेरै थप्न सक्ने अपेक्षा गरिएको छ । आउने पुस्तालाई यो कीर्तिमानी भेट्टाउन पक्कै गाह्रो हुनेछ । पुरुष फुटबलमा नेपालका लागि सर्वाधिक व्यक्तिगत गोलसंख्या १३ मात्र हो । सशस्त्र प्रहरी बलबाट घरेलु फुटबल खेल्ने साम्बाले नेपालमा धेरै उपाधि जितिसकेकी छिन् । अन्तराष्ट्रिय रुपमा भने उपाधि जित्ने उनको धोको अझै बाँकी छ । साम्बाले भारतमा समेत लिग खेलेर दुई पटक उपाधि उचालेकी छिन् । उनै साम्बाको बारेमा विश्व फुटबलको सर्वोच्च निकाय फिफाले आफ्नो वेबसाइटमा सोमबार एउटा सामग्री पोस्ट गरेको छ । ‘खाली खुट्टादेखि चामत्कारिक खेलाडीसम्मको यात्रा’ भनेर फिफाले उक्त लेख तयार पारेको हो ।
२३ वर्षीया सावित्राको लमजुङदेखि काठमाडौं हुँदै फुटबल स्टार बन्दासम्मको रोमाञ्चक यात्रा फिफाले प्रस्तुत गरेको छ । साम्बाको सफलता, उपलब्धि अनि अबको लक्ष्यलाई लेखमा समेटिएको छ । फिफाले फिचर तयार पारेपछि छोटो प्रतिक्रिया दिँदै साम्बाले भनिन्, ‘मैले सोचेको थिइनँ, एकदम खुसी लागेको छ ।’ सन् २०१४ मा पाकिस्तानमा भएको साफ महिला फुटबल च्याम्पियनसिपमार्फत् राष्ट्रिय टिममा डेब्यु गरेकी साम्बाले भुटानविरुद्धको पहिलो खेलबाट डेब्यु गरेकी थिइन् । त्यसबेला उनी १७ वर्षकी थिइन् ।
उनको डेब्यु खेलमा नेपाल ८–० ले विजयी भएको थियो । ८६औं मिनेटमा मैदान प्रवेश गरेकी साम्बाले दुई मिनेटमै गोल गर्दै आफ्नो यात्रा सुरु गरेकी थिइन् । त्यसको दुई वर्षपछि भारतमा भएको च्याम्पियनसिपमा झन् उनको चर्चा बढ्यो । उनले त्यहाँ सर्वाधिक १२ गोल गरिन् । यस्तै सन् २०१९ मा नेपालमै भएको साफमा नेपाल उपविजेता बन्दा उनी सर्वाधिक गोलकर्ता बनेकी थिइन् । तर नेपाल फाइनलमा भारतसँग ३–१ ले पराजित हुँदा उपाधि जित्ने सपना अधुरै रहेको थियो ।
साम्बाले सानो हुँदा अनु लामा, जमुना गुरुङ जस्ता खेलाडीको नाम सुन्दै आफू पनि कुनै दिन त्यसरी नै खेल्ने सपना देखेको फिफासँग बताएकी छिन् । सोचेको भन्दा चाँडै अवसर पाएको र अझै धेरै उत्तरदायित्व थपिएको उनको भनाइ छ । उनले भनिन्, ‘मेरो पहिलो लक्ष्य भनेको कडा मेहनत गर्ने र नेपाललाई दक्षिण एसियामा च्याम्पियन बनाउने हो,’ ‘मैले यदि अवसर पाएमा युरोपमा क्लव फुटबल खेल्न इच्छुक छु ।’ साम्बाले फुटबलले आफ्नो जीवन नै परिवर्तन गरिदिएको समेत बताएकी छिन् ।
नेपालबहस संवाददाता
नेपालबहस डटकमको अंग्रेजी संस्करणका साथै अनलाइन टीभी पनि सञ्चालित छ । फेसबुक र ट्वीटरमार्फत पनि हामीसँग जोडिन सकिनेछ । नेपालबहसमा प्रकाशित कुनै सामग्रीबारे कुनै गुनासो, सूचना तथा सुझाव भए हामीलाई [email protected] मा पठाउनु होला । धन्यवाद ।
लेखकबाट थपएशियन च्याम्पियन्स लिगबाट बाहिरियो अल हिलाल
बैशाख १२, २०८१ बुधबार
आइपिएलमा आज दिल्ली र गुजरातबीच खेल हुँदै
बैशाख १२, २०८१ बुधबार
चेन्नईमाथि लखनउको शानदार जित
बैशाख १२, २०८१ बुधबार
राज्यकोषबाट १-२ अर्ब निकालेर सहकारी पीडितलाई दिने गृहमन्त्रीको मुड !
नेपालबहस संवाददाता
बैशाख ११, २०८१ मंगलबार
अमिर शेखको भ्रमणलाई लिएर सुरक्षामा कडाई
नेपालबहस संवाददाता
बैशाख १०, २०८१ सोमबार
ज्योति विकास बैंकको वित्तीय अवस्था दिन प्रतिदिन बिग्रँदो क्रममा, व्यवसाय विस्तार ठप्प
बैशाख ११, २०८१ मंगलबार
कतारका राजा अमिर थानी काठमाडौं आइपुगे ( फाेटाे फिचर )
बैशाख ११, २०८१ मंगलबार
राती १२ बजेपछि मौन अवधि सुरु, सामाजिक सञ्जालसमेत प्रयोग गर्न नपाइने
बैशाख १२, २०८१ बुधबार
कर्तव्य ज्यान मुद्दाका फरार प्रतिवादी १७ वर्षपछि पक्राउ
बैशाख १२, २०८१ बुधबार
कतारका अमिरको नेपाल भ्रमणः उपलब्धि थोरै, चर्चा धेरै
बैशाख १२, २०८१ बुधबार
त्रिपालको ओतमुनि तातोपानी कुण्ड : बिरामीलाई सास्ती
बैशाख १२, २०८१ बुधबार
आयुर्वेद औषधालयमा बिरामीलाई चौबिसै घण्टा सेवा
बैशाख १२, २०८१ बुधबार
चिकित्सक अभावले हेटौँडा अस्पतालमा थन्किए उपकरण
बैशाख १२, २०८१ बुधबार