एनआईसी एसिया बैंकका सञ्चालकसहितका मारवाडी जुवाडेलाई हाजिरी जमानीमा छोडियाे
नेपालबहस संवाददाता
जेठ २०, २०७७ मंगलबार २२:२२:३७
२० जेठ, काठमाडौं । लकडाउनका बेला होटलमा जुवा खेल्ने ८ जना मारवाडी व्यवसायीलाई थुनामा राखेर थप अनुसन्धान गर्न पाँच दिनको म्याद पाएपनि प्रहरीले हाजिरी जमानीमा छाड्ने तरखर गरेको छ । प्रहरी स्रोतका अनुसार प्रधानमन्त्री केपी शर्मा ओलीको ठाडो निर्देशनमा उनीहरुलाई हाजिरी जमानीमा छोड्न लागिएको हो ।
अहिले उनीहरुलाई टेकुस्थित महानगरीय प्रहरी कार्यालय काठमाडौं लगिएको छ । त्यहाँ सामान्य बयानको नाटक मञ्चन गरि सरकारी बकिलको राय बमोजिम कोरोनाको कारण देखाउँदै छोड्न लागिएको हो । कोरोना भाइरसको महामारीका कारण जघन्य बाहेकका कसुरका आरोपीलाई हिरासतमा नराख्ने सरकारको नीतिअनुसार उनीहरुलाई छाड्न सकिने महानगरीय प्रहरी कार्यालय काठमाडौंका प्रमुख एसएसपी श्यामलाल ज्ञवालीले नेपालबहस डटकमलाई बताए । एसएसपी ज्ञवालीका अनुसार उनीहरुले केसबाट उन्मुक्ति भने पाएका होइनन् ।
मुलुकी अपराध संहिताको जुवा सम्बन्धी कसुरमा अनुसन्धानका लागि जिल्ला प्रशासन कार्यालय, काठमाडौंले आजै प्रहरीलाई अनुमति दिएको थियो । प्रहरीका अनुसार आरोपीहरु थुनामा नबसेपनि दैनिक प्रहरी कार्यालयमा उपस्थित भएर बयान दिनेछन् । पक्राउ परेका व्यापारीमा बैंक सन्चालक र प्रतिष्ठित व्यापारीक समूहका सदस्यहरु थिए।
प्रहरीले कमलादीस्थित गगौंर बुटिक होटेलमा छापा मारेर व्यापारीहरु विमल खेतान, विमल अउजा, रामचन्द्र संघाई, सुरेशकुमार अग्रवाल, पुरुषोत्तम घिराइया अग्रवाल, गोविन्दराम सरिया, अशोककुमार अग्रवाल, नन्दकिशोर शर्मा र होटल सञ्चालक भारतीय नागरिक मिक्की जोगाईलाई पक्राउ गरेको थियो ।
रामचन्द्र संघाई एनआईसी एसिया बैंकका सञ्चालक हुन् । संघाईलाई गएको वर्ष नेपाल सरकारको “महत्वपूर्ण व्यावसायिक व्यक्ति” सम्मानबाट विभूषित गरिएको थियो । उनी संघाई ग्रुपका संचालक पनि हुन् । गोविन्दराम सरिया झापाको चिया उद्योगी हुन । सरिया भने नामुद रक्तचन्दन तस्कर पनि हुन् । अन्यमा कोही हुण्डी तथा डलरका तस्कर समेत रहेको प्रहरी स्रोतले बताएको छ । पुरुषोत्तम घिराइया कपडा ब्यापारी हुन् ।
अशोक अग्रवाल र विमल अउजा विशाल ग्रुपका संचालक हुन् । अशोककुमार अग्रवाल लाइफ इन्स्योरेन्स कर्पोरेशन नेपाल (एलआईसी) का संचालक पनि हुन । प्रहरीले दुई लाख ७७ हजार सात सय २० रुपैयाँ नगद र एक सय ७९ वटा चिप्स बरामद गरेको छ।
नेपालबहस संवाददाता
नेपालबहस डटकमको अंग्रेजी संस्करणका साथै अनलाइन टीभी पनि सञ्चालित छ । फेसबुक र ट्वीटरमार्फत पनि हामीसँग जोडिन सकिनेछ । नेपालबहसमा प्रकाशित कुनै सामग्रीबारे कुनै गुनासो, सूचना तथा सुझाव भए हामीलाई [email protected] मा पठाउनु होला । धन्यवाद ।
लेखकबाट थपव्यवसायीलाई जरिवाना बढी भयोः वरिष्ठ उपाध्यक्ष श्रेष्ठ
माघ १५, २०८० सोमबार
तेस्रो मुलुकका लागि निर्यातको शुभारम्भ
माघ १२, २०८० शुक्रबार
महानगरविरूद्ध सडक व्यापारीले आन्दोलन गर्ने
माघ १२, २०८० शुक्रबार
८ सय ७७ प्रहरी काजबाट फिर्ता
चैत १५, २०८० बिहिबार
देशमा अर्को उथलपुथल हुनेवाला छः प्रधानमन्त्री प्रचण्ड
चैत १५, २०८० बिहिबार
सादा पोशाकमा प्रहरी परिचालन नगर्न हेडक्वार्टरको पत्र
चैत १५, २०८० बिहिबार
एसएसपी अधिकारी सशस्त्रको डीआईजीमा सिफारिस
चैत १६, २०८० शुक्रबार
चैते झरीले बाटो हिलाम्य, ३० मिनेटको दूरीलाई चार घण्टा
चैत १६, २०८० शुक्रबार
हेलम्बुमा हाइअल्टिच्युड भलिबल प्रतियोगिता हुने
चैत १६, २०८० शुक्रबार
सिद्धि हाइड्रो कम्पनीको शेयर निष्कासन तथा बिक्री प्रबन्धकमा सिटिजन्स क्यापिटल
चैत १६, २०८० शुक्रबार
अतिथि सत्कार घरबासमा विदेशी पर्यटक बढ्दै
चैत १६, २०८० शुक्रबार
देउडा खेल्दै सर्वसाधारण
चैत १६, २०८० शुक्रबार