लकडाउनको मोडालिटी फेर्न दवाव
नेपालबहस संवाददाता
जेठ २०, २०७७ बुधबार २:२:३५
२० जेठ, काठमाडौं । खड्गप्रसाद ओली नेतृत्वको सरकारले निर्विकल्प बनाएको लकडाउन विस्तारै उल्लंघन हुने स्थिति निर्माण भएसँगै यसको मोडालिटी परिवर्तन गर्ने गृहकार्य शुरु भएको छ । लामो समयदेखि बिना तयारी लकडाउन गरी अर्थतन्त्र नै धराशायी बन्ने अवस्था आएपछि उद्यमी व्यवसायीले त्यसको उल्लंघन गर्न थालेका छन् ।
आजै मात्र बौद्ध जोरपाटी र कालीमाटीका व्यापारीले लकडाउन नमान्ने भन्दै प्रदर्शन गरेका छन् । यसैबीच सरकारले उद्योगी व्यापारीलाई जेठको २५ गतेभित्र कर बुझाउन ताकेता गरेपछि परिस्थिति अझै बिग्रिएको छ । उद्योगी व्यावसायीले व्यवसाय गर्न नदिने सरकारले कर तिर्न तोकता गर्नु गलत भएको टिप्पणी गरेका छन् ।
अवस्था नियन्त्रण बाहिर नजाओस् भनेर सरकारले आजैबाट बिकल्प सोच्न थालेको छ । यस प्रयोजनका लागि आज कोरोनाभाइरस नियन्त्रण तथा रोकथाम उच्चस्तरीय समितिले निजी क्षेत्रसँग छलफल गरेको छ । उपप्रधानमन्त्री ईश्वर पोखरेल नेतृत्वको उक्त समितिले आज निजी क्षेत्रको छाता संगठन नेपाल उद्योग बाणिज्य महासंघ, चेम्बर अफ कमर्श लगायतका संस्थाका प्रतिनिधिसँग छलफल गरेको छ ।
छलफलमा सहभागी पेशागत संघ संगठनका प्रतिनिधिहरुले अब लकडाउनको मोडालिटी परिवर्तन नगरे बिद्रोह हुनसक्ने चेतावनी दिएका छन् । कोरोनाभन्दा भोकमरीले मानिसको ज्यान जान थालिसकेको प्रसंग सहभागीले उठाए । अब लकडाउन खुकुलो बनाएर क्षेत्रगत रुपमा अर्थतन्त्र चलायमान बनाइनुपर्नेमा सबैले जोड दिए ।
भmण्डै अढाई महिनादेखि निरन्तर जारी गरिएको लकडाउनबाट न त संक्रमित संख्या घट्यो, न अर्थतन्त्र नै चलबलायो – अधिकांशको गुनासो यस्तै थियो । छलफलमा सहभागी हुनेमा उद्योग बाणिज्य महासंघका अध्यक्ष भवानी राणा, चेम्बर अफ कमर्शका अध्यक्ष राजेशकाजी श्रेष्ठ,यातायात व्यवसायी महासंघका महासचिव सरोज सिटौलालगायत रहेका थिए ।
नेपालबहस संवाददाता
नेपालबहस डटकमको अंग्रेजी संस्करणका साथै अनलाइन टीभी पनि सञ्चालित छ । फेसबुक र ट्वीटरमार्फत पनि हामीसँग जोडिन सकिनेछ । नेपालबहसमा प्रकाशित कुनै सामग्रीबारे कुनै गुनासो, सूचना तथा सुझाव भए हामीलाई [email protected] मा पठाउनु होला । धन्यवाद ।
लेखकबाट थपव्यवसायीलाई जरिवाना बढी भयोः वरिष्ठ उपाध्यक्ष श्रेष्ठ
माघ १५, २०८० सोमबार
तेस्रो मुलुकका लागि निर्यातको शुभारम्भ
माघ १२, २०८० शुक्रबार
महानगरविरूद्ध सडक व्यापारीले आन्दोलन गर्ने
माघ १२, २०८० शुक्रबार
८ सय ७७ प्रहरी काजबाट फिर्ता
चैत १५, २०८० बिहिबार
आईजीपी परिर्वतनको तयारीमा गृहमन्त्री लामिछाने, पुग्ला त चलाउनेको भविष्यवाणी ?
चैत १५, २०८० बिहिबार
सभामुख नेतृत्वको प्रतिनिधिमण्डल स्वदेश फिर्ता
चैत १६, २०८० शुक्रबार
पोखराको पर्यटन प्रवर्द्धन गर्न वाणिज्य संघको जिल्ला यात्रा
चैत १६, २०८० शुक्रबार
सुनको मूल्यमा नयाँ रेकर्ड, १ लाख ३० हजारमा कारोबार
चैत १६, २०८० शुक्रबार
अग्नी रेखा निर्माण गर्दै उपभोक्ता
चैत १६, २०८० शुक्रबार
सगरमाथा क्षेत्रमा याकमार्फत सामान ढुवानी
चैत १६, २०८० शुक्रबार
नयाँ शैक्षिक सत्रका लागि पाठ्यपुस्तक
चैत १६, २०८० शुक्रबार