स्वकीय सचिवसहित प्रदेशसभा २ का ५ मर्यादापालकलाई कोरोना !

२२ जेठ, धनुषा । धनुषामा एक जना महिलासहित ६ जना नयाँ कोरोना संक्रमित थपिएका छन्। आज थपिएका यी संक्रमितमध्ये ५ जना प्रदेश नम्बर २ को संसद सचिवालयमा कार्यरत मर्यादापालक पनि रहेका छन् ।

गत जेठ १६ गते प्रदेश दुईका प्रदेशसभा सदस्य, कर्मचारी, मर्यादापालक, व्यक्तिगत सुरक्षा गार्ड, चालकसहित ३ सय ४४ जनाको स्वाब संकलन गरी परीक्षणका लागि पठाइएको थियो। जसमा ५ जना मर्यादापालकमा कोरोना संक्रमण पुष्टि भएको हो ।

आज थपिएका ६ जना संक्रमित जनकपुरधाममै बस्दै आएका छन्। संक्रमित एक महिला प्रदेश २ मन्त्रीकाे स्वकीय सचिव रहेको मन्त्रालय स्रोतले जनाएको छ। सचिवालयकै कर्मचारीमा कोरोना पोजेटिभ भेटिएपछि आजका लागि बोलाइएको प्रदेश सभा बैठक स्थगित गरिएको छ ।