समाचार प्रभाव : बीमा समितिको निर्देशन २४ घन्टा नबित्दै फेरि परिवर्तन !
नेपालबहस संवाददाता
जेठ २३, २०७७ शुक्रबार २१:२१:७
२३ जेठ, काठमाडाैं । “कोरोना बीमा स्थगनमा माफियाको चलखेल, सरकारलाई असफल बनाउने प्रयास” शीर्षकमा समाचार प्रकाशन भएपछि नियामक निकाय बीमा समितिले आफ्नो पूर्व निर्णय २४ घण्टा नबित्दै परिर्वतन गरेको छ । कोरोना बीमा कार्यक्रमलाई निरन्तरता दिन बीमा समितिले शुक्रबार निर्जीवन बीमा कम्पनीहरुलाई निर्देशन दिएको छ ।
यसअघि बिहीबार मात्रै समितिले कोरोना बीमा स्थगित गर्न निर्देशन दिएको थियो । यस्तो बीमा २०७७ चैत मसान्तसम्म कायम रहनेछ । २०७७ वैशाख ७ गतेबाट कोरोना बीमा कार्यक्रम लागू भएको थियो । बिहीबार बीमा समितिले बीमा कम्पनीहरुको दायित्वभन्दा बढी बीमा गर्नुपर्ने अवस्था आएको भन्दै रोक्न निर्देशन दिएको थियो । आजबाट लागुहुने गरी गरिएको सो घोषणापछि सरकारसँग वार्ता गर्दा सरकारले जोखिम वहनमा सहयोग गर्ने भनेपछि पुन: सुरु गरिएको बताइएको छ ।
कोरोना बीमा कार्यक्रम आगामी आर्थिक वर्षको बजेट वक्तव्यमा नै समावेश कार्यक्रम हो । बजेटमा समावेश कार्यक्रम नै बन्द भएपछि यसको चाैतर्फी आलोचना भएको थियो । नयाँ योजना भएपनि काेराेना बीमामा सर्वसाधारणको आकर्षण देखिएको थियो । बीमा कम्पनीहरूले काेराेनाको बीमा गर्न सुरु गरेको दुई महिना पनि बित्न नपाउँदै तीन लाखभन्दा बढीले बीमा गराइसकेका थिए ।
समितिले एक हजार रुपैयाँमा एक लाख रुपैयाँको र पाँच सय रुपैयाँमा ५० हजार रुपैयाँको कोरोना बीमा गर्न सकिने व्यवस्था बनाएको थियो । परिवारकै बीमा गर्ने हो भने एक लाख रुपैयाँको लागि छ सय रुपैयाँ र ५० हजार रुपैयाँको लागि तीन सय रुपैयाँ रकम तिर्नुपर्ने र बीमाको अवधि एक वर्ष हुने व्यवस्था गरिएको थियो ।
बीमा गरेका कसैलाई १५ दिनपछि कोरोना ‘पीसीआर परीक्षण’ पोजिटिभ देखिएको अवस्थामा एक लाखको गरे एक लाख र ५० हजारको गरे ५० हजार रुपैयाँ बीमा दावी भुक्तानी हुनेछ ।
नेपालबहस संवाददाता
नेपालबहस डटकमको अंग्रेजी संस्करणका साथै अनलाइन टीभी पनि सञ्चालित छ । फेसबुक र ट्वीटरमार्फत पनि हामीसँग जोडिन सकिनेछ । नेपालबहसमा प्रकाशित कुनै सामग्रीबारे कुनै गुनासो, सूचना तथा सुझाव भए हामीलाई [email protected] मा पठाउनु होला । धन्यवाद ।
लेखकबाट थपसिद्धार्थ प्रिमियर इन्स्योरेन्सको शेयर लिलामी खुल्यो
चैत १३, २०८० मंगलबार
सगरमाथा लुम्बिनी इन्स्योरेन्सले बोलायो साधारणसभा, एजेण्डा के हाे ?
चैत ६, २०८० मंगलबार
सिद्धार्थ प्रिमियरको पब्लिक डिरेक्टरमा सुमित केडिया नियुक्त
चैत १, २०८० बिहिबार
८ सय ७७ प्रहरी काजबाट फिर्ता
चैत १५, २०८० बिहिबार
आईजीपी परिर्वतनको तयारीमा गृहमन्त्री लामिछाने, पुग्ला त चलाउनेको भविष्यवाणी ?
चैत १५, २०८० बिहिबार
सरकारले तोक्यो चैते धानको समर्थन मूल्य
चैत १५, २०८० बिहिबार
‘बिराट गोल्ड कप फुटबल’ काे मुख्य प्रायोजनमा एनआईसी एशिया बैंक
चैत १५, २०८० बिहिबार
स्काउटको जग्गा कब्जामा गृहमन्त्रीको चासो, मन्त्रालयमा आयुक्तसँग छलफल
चैत १५, २०८० बिहिबार
कोशी प्रदेशले आगलागी पीडित सन्थाल समुदायका लागि स्थायी घर निर्माणमा पहल गर्ने
चैत १५, २०८० बिहिबार
सादा पोशाकमा प्रहरी परिचालन नगर्न हेडक्वार्टरको पत्र
चैत १५, २०८० बिहिबार