विद्यालयको क्वारेन्टाइनमा बसेका ६५ वर्षीय पुरुषको मृत्यु

२४ जेठ, बाजुरा । बाजुरामा जेठ १५ गते भारतबाट आएर क्वारेन्टाइनमा बसेका ६५ वर्षीय पुरुषको मृत्यु भएको छ ।खप्तड छेडेदह गाउँपालिका ७ स्थित मष्टा आधारभुत विद्यालयको क्वारेन्टाइनमा बसेका ६५ वर्षीय एक पुरुषको शनिबार बिहान मृत्यु भएको हो ।

वडा नम्बर ७ का अध्यक्ष खगेन्द्र रावतका अनुसार उनी दमको बिरामी रहेको बुझिएको छ । हिँजो साँझ दम बढेको बताएपछि औषधिसमेत खुवाइएको थियो ।

उनमा कोरोना भाइरस संक्रमण थियो कि थिएन भनेर परीक्षणका लागि स्वाब संकलन गर्ने तयारी भइरहेको छ । स्वाब संकलन गरेर रिपोर्ट आएपछि मात्र शवको व्यवस्थापन गर्ने अध्यक्ष रावतले बताए ।