स्थानीय तहलाई क्वारेन्टाइन व्यवस्थापनमा समस्या, कोरोना परीक्षण स्थगित
नेपालबहस संवाददाता
जेठ २४, २०७७ शनिबार १९:३२:११
२४ जेठ, लम्की । दूरपश्चिम स्वास्थ्य निर्देशनालयले सुदूरपश्चिमका सबै स्वास्थ्य कार्यालयलाई पाँच दिनसम्म कोरोना परीक्षणका लागि स्वाब लिने काम स्थगित गर्न निर्देशन दिएपछि कैलालीका स्थानीय तहमा क्वारेन्टाइन व्यवस्थापनमा थप समस्या भएको छ ।
कैयौँ स्थानीय तहमा दैनिक सयौँ नागरिक क्वारेन्टिनमा थपिँदै जाँदा कहाँ व्यवस्थापन गर्ने भन्ने समस्या भएको बताउँछन् । “स्वास्थ्य निर्देशनालयले स्वाब नपठाउन निर्देशन दिन्छ, भएका क्वारेन्टाइन भरिँदै गएका छन्, दैनिक सयौँ नागरिक थपिन थालेका छन्”, टीकापुर नगरपालिकाका स्वास्थ्य शाखाका प्रमुख बलबहादुर रावल भनछन्, “पाँच दिनसम्म परीक्षण रोकिए १४ दिन पुगिसकेकालाई पनि क्वारेन्टाइन राख्नुपर्ने हुन्छ, धान्न सकिन्न ।”
टीकापुर नगरपालिकाबाट मात्रै सुदूरपश्चिम प्रयोशालामा ५०४ स्वाबका नमूना परीक्षणका क्रममा रहेका छन् । “१४ दिन क्वारेन्टाइनमा बसिसकेका २०० जनाको स्वाब पठाउनुपर्ने छ”, संयोजक रावलले भने, “निर्देशनालयको निर्देशनले अब क्वारेन्टाइनमा बस्नेहरुको चाप बढ्ने देखिएको छ ।”
स्वास्थ्य निर्देशनालयको निर्देशनअनुसार नै जाँदा अबको पाँच दिनपछि टीकापुरबाट १४ दिन क्वारेन्टाइनमा बसिसकेका स्वाब परीक्षण गर्नुपर्नेको सङ्ख्या ७०० पुग्ने अनुमान छ । हाल टीकापुरका क्वारेन्टिनमा एक हजार ५०० बसिरहेका छन् । टीकापुरमा क्वारेन्टिन बसाइपछि स्वास्थ्य परीक्षण गरेर २९६ जना घर फर्किएका छन् । अहिले भारत र नेपालकै विभिन्न जिल्लाबाट घर फर्किने दैनिक करिब २०० छन् । भारतले एकतर्फी रेलको टिकट काट्न शुरु गरेकाले अबको दुई सातामा यो सङ्ख्या अझै बढ्ने अनुमान गरिएको छ ।
कैलालीकै अर्को लम्कीचुहा नगरपालिकाबाट पनि अहिले सङ्कलन गरी प्रयोगशालामा ८९ स्वाबका नमूना परीक्षणको लाइनमा छन् । हाल दुई हजार २१७ जनालाई क्वारेन्टाइनमा व्यवस्थापन गरिरहेको लम्कीचुहा नगरपालिकाले स्वास्थ्य निर्देशनालयले स्वाब पठाउन पाँच दिन बन्द गरेपछि आरडीटी गरेर नेगेटिभ देखिनेलाई होम क्वारेन्टाइनमा पठाउने गरी काम गर्न लागेको स्वास्थ्य शाखा प्रमुख जयन्ती विष्टले बताए । लम्कीचुहामा पनि दैनिक २०० का दरले नागरिक भित्रिरहेका छन् । कैलालीकै जानकी गाउँपालिकाको क्वारेन्टिनमा अहिले ६७५ जना छन् । जानकीले प्रत्येक वडामा क्वारेन्टाइनमा राखेको छ ।
नेपालबहस संवाददाता
नेपालबहस डटकमको अंग्रेजी संस्करणका साथै अनलाइन टीभी पनि सञ्चालित छ । फेसबुक र ट्वीटरमार्फत पनि हामीसँग जोडिन सकिनेछ । नेपालबहसमा प्रकाशित कुनै सामग्रीबारे कुनै गुनासो, सूचना तथा सुझाव भए हामीलाई [email protected] मा पठाउनु होला । धन्यवाद ।
लेखकबाट थपरुसी सेनामा २ सयभन्दा बढी नेपाली भर्ती
मंसिर २५, २०८० सोमबार
कीर्तिमानी सगरमाथा आरोही बुढालाई प्रधानमन्त्रीले दिए बधाई
जेठ ९, २०८० मंगलबार
सिर्सिया नदीको दुषित पानी बोकेर काठमाडौं आउँदै पीडित
जेठ ८, २०८० सोमबार
आईजीपी परिर्वतनको तयारीमा गृहमन्त्री लामिछाने, पुग्ला त चलाउनेको भविष्यवाणी ?
चैत १५, २०८० बिहिबार
किन भेटिरहेका छन् देउवाले प्रधानमन्त्री प्रचण्ड ?
चैत १५, २०८० बिहिबार
कर्णाली पुलबाट हाम फालेर बेपत्ता भएका शाहीको शव भेटियो
चैत १५, २०८० बिहिबार
किसानले यस वर्षको कुचो नकाटी बगानमै छाडे
चैत १५, २०८० बिहिबार
हिमालमा पर्यटकलाई हेलिकोप्टरको सहारा
चैत १५, २०८० बिहिबार
एसईई परीक्षामा निरीक्षक बसेका १० जना निष्काशित
चैत १५, २०८० बिहिबार
नयाँ वर्षमा बन्दीपुरमा सडक खाना महोत्सव हुने
चैत १५, २०८० बिहिबार