कोरोना सङ्क्रमितको सङ्ख्या बढेपछि दुई वडा शिल

२४ जेठ , खलङ्गा । जुम्लाको चन्दननाथ नगरपालिकाका दुई वडा शिल गरिएको छ । कोरोना सङ्क्रमितको सङ्ख्या बढेपछि वडा शिल गरिएको हो । जिल्लास्तरीय एकीकृत क्वारेन्टाइन रहेको सो वडाका स्थानीयवासीमा कोभिड–१९ सङ्क्रमण देखिएपछि सिल गरिएको प्रमुख जिल्ला अधिकारी भूपेन्द्र थापाले बताए ।

जिल्लाको पूर्वमा देवलडाँडा, पश्चिममा जुगाडखोला, उत्तरमा सिनामुल तथा दक्षिणमा जुम्ला बुहुमखी क्याम्पसको चार किल्लाभित्रको क्षेत्रलाई शिल गरिएको प्रशासनले जनाएको छ । कोरोना भाइरसको सङ्क्रमण देखिएसँगै जुम्लामा तीन दिनदेखि जारी कर्फ्यु २३ गते राति १२ः०० बजेदेखि हटेको छ ।