सरकार महामारी नियन्त्रण भन्दा नि भ्रष्टाचार ढाकछोप गर्न लाग्यो : कांग्रेस नेता सिंह

२५ जेठ, काठमाडौं । नेपाली कांग्रेसका नेता प्रकाशमान सिंहले काेराेना भाइरस महामारीमा सरकार नियन्त्रण तथा राेकथाम भन्दा नि भ्रष्टाचार ढाकछोप गर्न लागेको आरोप लगाएका छन् ।

आइतबार प्रतिनिधिसभाको बैठकमा बोल्दै कांग्रेस नेता सिंहले कोरोना महामारीमा प्रधानमन्त्री केपी शर्मा ओली नियन्त्रण तथा राेकथाम भन्दा नि स्वास्थ्य सामाग्री खरिदमा भएको भ्रष्टाचारको ढाकछोप गर्न लागी परेकाे बताएका हुन्।

यस्तै उनले  सरकार राजनीतिक, आर्थीक र कुटनीतिक रुपमा असफल भइसकेको बताउदै महामारीकाे कहरमा सेना परिचालन गर्ने सरकारको निर्णयको विरोध समेत गरेका छन् ।

नागरिक सरकारले गर्नुपर्ने काममा सेना परिचालन गर्ने सरकारको निर्णय बेठिक भएको उनले बताएका हुन् । उनले गृहमन्त्रालयअन्तर्गतको विपद व्यवस्थापन समिति, स्वास्थ्य मन्त्रालय, स्वास्थ्य विभागले कोरोना महामाररीमा काम गर्नुपर्ने पनि बताएका छन् ।