जर्मन विदेश मन्त्री इजरायल भ्रमणमा, सम्बन्ध सुधारमा केन्द्रित
नेपालबहस संवाददाता
जेठ २९, २०७७ बिहिबार २०:५:३५
२९ जेठ, एजेन्सी । जर्मन विदेश मन्त्री हेको मास बुधबार इजरायलको जेरुसलेम पुग्नु भएको छ । भ्रमणका अवसरमा मन्त्री मासले इजरायल अधीनस्थ पश्चिमी किनारामा इजरायली विवादास्पद जमिन कब्जा योजनाका सम्बन्धमा युरोपेली यूनियनका सदस्य राष्ट्रहरुका तर्फबाट “चासो” व्यक्ति गर्ने योजना छ ।
कोरोना भाइरस महामारी भएयता इजरायलको भ्रमण गर्ने उनी युरोपेली राष्ट्रका पहिलो विशिष्ट व्यक्ति छन । इजरायली भूमिमा पदार्पण गर्दा मन्त्री मास र उनहाँका इजरायली समकक्षी दुबैले अनुहारमा मास्क लगाए । दुबै नेताबीचको वार्ताको मुख्य विषय पश्चिमी किनारा र जोर्डन उपत्यकामा इजरायलको प्रस्तावित आवास विस्तारमा केन्द्रित हुनेछ ।
इजरायलले आगामी जुलाई १ तारिखबाट यहाँ बसोबास निर्माण गर्ने जनाएको छ । यही दिनदेखि युरोपेली युनियनको अध्यक्षता पनि जर्मनीले गर्नेछ । युरोपेली युनियनले इजरायली योजनाप्रति विमती राख्दै आएको छ तर इजरायली कदमको विरोध गर्ने सन्दर्भमा युरोपेली मुलुकबीच ऐक्यबद्ध धारणा छैन । इजरायलले भने जर्मन विदेश मन्त्री मार्फत् युरोपेली मुलुकहरुको इजरायलको कदममाथिका धारणामा नरमपना ल्याउने अवसरको रुपमा हेरेको छ ।
जर्मन विदेश मन्त्रालयले मध्यपूर्वको द्वन्द्व समाधानका सन्दर्भमा जर्मनी र यसका युरोपेली युनियनमा आबद्ध मुलुकहरुले इजरायली–अरब मुलुकहरुबीचको बहुपक्षीय वार्ता र प्यालेस्टिनीका लागि दुई–राष्ट्र समाधानमा जोड दिएको उल्लेख गरेको छ ।
मन्त्रालयले विदेश मन्त्री मासले इजरायल भ्रमणका अवसरमा इजरायल सरकारले घोषणा गरे बमोजिम अनेक्सेसनका सम्भावित परिणामका बारेमा युरोपेली मुलुकको सामूहिक चासो व्यक्त गर्नु हुने जनाएको छ । जर्मन विदेश मन्त्री मासले इजरायली विदेश मन्त्री गाबी आश्केनाजीसँग भेटवार्ता गरेपछि प्रधानमन्त्री बेन्जामिन नेतन्याहू र रक्षा मन्त्री बेन्नी गान्जसँग भेटघाट गर्नु हुनेछ ।
गत जनवरीमा अमेरिकाले सार्वजनिक गरेको शान्ति योजनाको एक अंशका रुपमा इजरायली कब्जाको रुपरेखा तयार पारेको जनाइएको छ । अमेरिकी योजनाले प्यालेस्टिनी राज्य निर्माण गर्न मद्दत पुग्ने विश्वास गरिएको छ । तर अमेरिकी प्रस्तावले पूर्वी जेरुसलेमलाई राजधानी बनाउने प्यालेस्टिनीको मुख्य मागलाई अस्वीकार गरेको छ । त्यही कारण प्यालेस्टिनी प्राधिकरणले अमेरिकी प्रस्तावलाई पहिल्यै अस्वीकार गरिसकेको छ ।
प्यालिस्टिनीहरुले सार्वभौम, स्वतन्त्र प्यालिस्टिनी मुलुक निर्माणका लागि अलग्गै प्रस्ताव तयार पारेर राष्ट्रसंघ, संयुक्तराज्य अमेरिका, युरोपेली युनियन र रसियालाई बुझाइसकेको प्यालेस्टिनी प्रधानमन्त्री मोहम्मद स्तायेले बताए ।
उनले भने – हामी इजरायलले अन्तर्राष्ट्रिय दबाब महसुस गरेको बुझ्न चाहन्छौं । जर्मन विदेश मन्त्री मास इजरायलको भ्रमणपछि जोर्डन जानु हुनेछ । गत महिना जोर्डनका राजा अब्दुल्लाह द्वितीयले इजरायली कब्जाले इजरायल–जोर्डनबीच द्वन्द्व बढ्न सक्ने चेतावनी दिए ।
जर्मनीले इजरायली कब्जा योजनाको विरोध गरिरहेको छ । तर युरोपेली युनियनले इजरायल विरुद्ध चालिने सम्भावित कदमको कुनै रुपरेखा तयार पारेको छैन । युरोपेली मुलुक र इजरायलबीच महत्वपूर्ण व्यापारिक साझेदारी रहेको छ । युरोपेली युनियनको विवरण अनुसार गत वर्ष ३४ अर्ब डलर बराबरको व्यापार भएको थियो ।
इजरायलले दक्षिण लेबनानबाट सन् १९७८ देखि २००० को बीचमा ठूलो क्षेत्र नियन्त्रणमा लिएको थियो भने सन् २००६ मा हेजबुल्लाह समूहसँग युद्ध लडेको थियो ।
नेपालबहस संवाददाता
नेपालबहस डटकमको अंग्रेजी संस्करणका साथै अनलाइन टीभी पनि सञ्चालित छ । फेसबुक र ट्वीटरमार्फत पनि हामीसँग जोडिन सकिनेछ । नेपालबहसमा प्रकाशित कुनै सामग्रीबारे कुनै गुनासो, सूचना तथा सुझाव भए हामीलाई [email protected] मा पठाउनु होला । धन्यवाद ।
लेखकबाट थपउत्तरी इलेनोइसमा छुरा प्रहार, ४ जनाको मृत्यु
चैत १५, २०८० बिहिबार
बंगलादेशकी पूर्वप्रधानमन्त्री जियाको जेल सजाय थपियो
चैत १५, २०८० बिहिबार
केजरीवाललाई मुख्यमन्त्रीबाट हटाउने रिट अदालतद्वारा खारेज
चैत १५, २०८० बिहिबार
८ सय ७७ प्रहरी काजबाट फिर्ता
चैत १५, २०८० बिहिबार
आईजीपी परिर्वतनको तयारीमा गृहमन्त्री लामिछाने, पुग्ला त चलाउनेको भविष्यवाणी ?
चैत १५, २०८० बिहिबार
सरकारले तोक्यो चैते धानको समर्थन मूल्य
चैत १५, २०८० बिहिबार
‘बिराट गोल्ड कप फुटबल’ काे मुख्य प्रायोजनमा एनआईसी एशिया बैंक
चैत १५, २०८० बिहिबार
स्काउटको जग्गा कब्जामा गृहमन्त्रीको चासो, मन्त्रालयमा आयुक्तसँग छलफल
चैत १५, २०८० बिहिबार
कोशी प्रदेशले आगलागी पीडित सन्थाल समुदायका लागि स्थायी घर निर्माणमा पहल गर्ने
चैत १५, २०८० बिहिबार
सादा पोशाकमा प्रहरी परिचालन नगर्न हेडक्वार्टरको पत्र
चैत १५, २०८० बिहिबार