सम्मानित व्यक्तिको अपमानजनक भाषा, खाने बित्तिकै हिसाब खोज्ने ?
नेपालबहस संवाददाता
जेठ २९, २०७७ बिहिबार २०:५५:१३
२९ जेठ, काठमाडौं । नेपाल यस्तो देश हो, जहाँका नेताहरु शिक्षक, अभिभावक, डाक्टर, वकिल, ईन्जिनियर, पाईलट, सिकर्मी, डकर्मी लगायतका सबै कुरा आफैंले जानेर गएका हुन्छन् । संसदको गरिमामय रोष्टममा उभिएर देशका प्रधानमन्त्रीले बोलेको सुन्दा पनि अचम्म लागेर आउँछ ।
कुरा नेपालको सम्मानित संसदहल भित्रको हो । सम्मानित पद राष्ट्रका कार्यकारी प्रमुख प्रधानमन्त्री केपी शर्मा ओली भन्छन् “एक जना सांसदले नेपालीको रोग प्रतिरोध क्षमता बढी छ भनेर कस्ले भन्यो भनेर सोध्नु भो, मैले भनेको हो । मैले भर्खरै भनेको सुन्नु भएन ?” कोरोना रोगका नयाँ डाक्टरको माहामारी बिरुद्धको यस्तो ठट्टामा दर्शक दीर्घामा ताली बजाउन बसेका खेतालाहरुले पररर तालि बजाउछन् । देशको वास्तविकता यस्तो छ । जनताको जीवनसँग स्वयं प्रधानमन्त्री मात्र हैन उनका खेतालाहरु पनि सँगै सती गैरहेका देखिन्छन् । कस्तो संवेदनशिलताको पराकाष्ट ? कस्तो मानवीय शुन्य मानवहरुको प्रवेश पाएको छ संसदले ? अनि यस्ता सांसदबाट नागरिकहरुले कस्तो अपेक्षा राख्नु ? कम्तिमा यस्तो संवेदनशिल बिषयमा त हाँसी मजाक नगरिदिनु भए हुन्थ्यो नि प्रधानमन्त्री ज्यू ?
संसारभरी नै आफ्नो बर्चस्व फैलाएको कोरोना रोगसँग लडिरहेका आम नेपाली लगायत सिंगो विश्वलाई नै चकित पार्दै नेपालका सम्माननीय प्रधानमन्त्रीले कोरोनाको औषधि सुझाई दिएका छन् । नेपालीहरुको रोग प्रतिरोधात्मक क्षमता अदभुत छ । त्यसैले सानातिना रोगलाई त नेपालीले हाँसेरै उडाई दिन्छन् । अरबौं रुपैयाँ त एक्लै खाएर पचाउन सक्ने देशमा बसेर जाबो सानोतिनो भाईरस र माहामारीसँग नेपालीले डराउने भन्ने कुरै भएन । नेपालमै प्रशस्त रुपमा पाईने अदुवा, बेसार, लसुन, चिराईतो, तितेपाती आफ्नै देशमा उत्पादन भए पछि कोरोना रोगले कसरी नागरिकलाई बिरामी बनाउँन सक्छ ? देशको प्रधानमन्त्री जस्तो व्यक्ति जिम्मेबार रोष्टममा उभिएर निर्लजजताका साथ भन्न भ्याउँछन् यदि मरुभूमि जन्य ठाउँहरुबाट तातो हावा आयो भने हिमालको नजिक पुग्नु भन्दा पहिल्यै त्यो चिसो भैसक्छ । कायल भैसक्छ । अनि प्रधानमन्त्री ज्यू त्यो तातो हावा हिमालसम्म चाँहि कुन बाटो भएर जान्छ ?
प्रधानमन्त्री भन्छन्– यो देश झार उम्रियो भने यार्सागुम्बा भएर उम्रिने देश, यस देशमा ढुंगाबाट सिलाजित निस्कन्छ, यस देशमा माटो सिम्रीक हुन्छ । यो देश जडिबुटीको देश हो । औषधिको देश हो । यस देशको पानी हिउँमा, हिमालमाथि बस्छ । त्यस पछि पग्लिदैं अनेक मिनरल तत्वहरुसँग खेल्दै तल रसाएर निस्किएको पानी हो । त्यसकारण यो इमियन बराबरको छ, यो पानी । यहि भएर यस देशका नागरिकको ईम्यून पावर तगडा छ । स्वयं प्रधानमन्त्रीले भने पछि यस्तो पानी खाए पछि फेरि नेपालीलाई रोग लाग्ने कुरै भएन । रोग लागि हाले नेताले विदेशमा गएर उपचार गरे पछि तमाम नेपालीको रोग आफै निको हुन्छ । घरको मुलीले बालुवाटार र अस्पताल गरे पछि बाँकी सर्वसाधारण नेपाली नागरिकलाई रोग लाग्ने कुरै भएन । नागरिकले त पहाडको काँढे भ्याकुर र कन्दमुल जो खाएका छन् ।
खाने बित्तिकै हिसाब खोज्ने गगन थापाको सारै नराम्रो बानी परेको छ । बेला न कुबेला खाली हिसाब खै ? हिसाब खै ? भनेर किन बित्थामा चिच्याई रहनु ? गगनजी बाढी आउनु, भुकम्प जानु, माहामारी फैलनु त सरकारका लागि त दशैं आए झै होईन र ? उल्फाको धनमा फुपुको श्राद्ध गर्ने नेपाली समाजमा सिंगो ढुकुटीको साँचो हातमा परे पछि यत्ति पनि नगरे गर्ने चाँहि के त ? अहिले नगरे गर्ने चाँहि कहिले त ? अनि किन यस्ता चाडबाँडमा भएको खर्चको हिसाब किताब मागि राखेको ? नेपालीको ईमिन्यूटी पावर कडा छ भनेर मैले भनेको सुन्नु भएन ? जावो १० अर्ब सरकारमा भएका साथिहरुले खाए ईमिन्यूटि पावर कडा थ्यो मज्जाले पचाए । भर्खर मात्रै २ महिना लगाएर खाएको दश अर्बको खर्चको बिल बनाउनै सरकारलाई अरु ६ महिना लाग्छ ।
प्रधानमन्त्रीको यस्तो अभिव्यक्तिले तमाम नेपालीको अब रोग लागेर मरिने रैनछ भनेर आम नागरिकलाई रोग सँगको डर भने भागेको छ । नागरिक अदुवा, लसुन, बेसार खोज्न गाँउ पसेको छ । अहिले कोरोना रोगको माहामारी भने नेपालको प्रधानमन्त्रीको यस्तो डाक्टरी अभिब्यक्तिबाट धुँवाधार रिसाएको छ । अदुवा, बेसार, जिरा, मकै, भटमास्, धनियाँ, प्याज नून, खुर्सानी लसुन सबै औषधि हुन । यत्रो बिघ्न औषधि खाए पछि रोगले आक्रमण गर्ने कुरै भएन । डाक्टर प्रधानमन्त्रीका कुरा सुनेर दर्शक दीर्घामा बसेका आफ्नै सभासदहरु कुरो बुझेर हो या हाँसिमजाकमा साथ दिएर हो पररर तालि बजाउँछन् । टेबलै फुटाउँला झै गरेर आफ्ना हात टेबुलमा लगेर ठटाउँछन् । नेपाली नेताहरुको यस्तो ईम्यूनिटि पावर देखेर रोग पनि यति लाचार छ कि नेपालीहरुले कहिले माथि उल्लेख भएका औषधिजन्य खानेकुरा खान छोड्छन् र आक्रमण गरौं भनेर दैलो कुरेर बसेको छ । यस्ता बेतुकका कुरा गरेर जग हसाउँदा स्वयं प्रधानमन्त्रीको सुरुवाल भने घुँडा भन्दा अलि तल्तिरसम्म खसेको छ ।
यता खाने बित्तिकै हिसाब खोज्ने गगन थापाको सारै नराम्रो बानी परेको छ । बेला न कुबेला खाली हिसाब खै ? हिसाब खै ? भनेर किन बित्थामा चिच्याई रहनु ? गगनजी बाढी आउनु, भुकम्प जानु, माहामारी फैलनु त सरकारका लागि त दशैं आए झै होईन र ? उल्फाको धनमा फुपुको श्राद्ध गर्ने नेपाली समाजमा सिंगो ढुकुटीको साँचो हातमा परे पछि यत्ति पनि नगरे गर्ने चाँहि के त ? अहिले नगरे गर्ने चाँहि कहिले त ? अनि किन यस्ता चाडबाँडमा भएको खर्चको हिसाब किताब मागि राखेको ? नेपालीको ईमिन्यूटी पावर कडा छ भनेर मैले भनेको सुन्नु भएन ? जावो १० अर्ब सरकारमा भएका साथिहरुले खाए ईमिन्यूटि पावर कडा थ्यो मज्जाले पचाए । भर्खर मात्रै २ महिना लगाएर खाएको दश अर्बको खर्चको बिल बनाउनै सरकारलाई अरु ६ महिना लाग्छ । अहिल्यै हिसाब खोजेर सरकारलाई अप्ठ्यारोमा पार्ने काम गर्नु प्रतिपक्षको धर्म हैन । बिहान खाएको खाना पच्नलाई त दिन भरि पर्खनु पर्छ । सरकारले गरेको १० औं अर्बको हिसाब किताब प्रतिपक्षले खोई भन्ने बित्तिकै फ्याट्ट कहाँबाट देखाउन सक्छ । हतार नगर गगन जी सरकारले आगामी दशैको खर्च वितरण सँगै कोरोनाको दश अर्बको खर्चको रकमको हिसाब किताब नागरिकलाई बुझाउने छ ।
नेपालबहस संवाददाता
नेपालबहस डटकमको अंग्रेजी संस्करणका साथै अनलाइन टिभी पनि सञ्चालित छ । फेसबुक र ट्वीटरमार्फत पनि हामीसँग जोडिन सकिनेछ । नेपालबहसमा प्रकाशित कुनै सामग्रीबारे कुनै गुनासो, सूचना तथा सुझाव भए हामीलाई [email protected] मा पठाउनु होला । धन्यवाद ।
लेखकबाट थपस्काउटको जग्गा कब्जामा गृहमन्त्रीको चासो, मन्त्रालयमा आयुक्तसँग छलफल
चैत १५, २०८० बिहिबार
आईजीपी परिर्वतनको तयारीमा गृहमन्त्री लामिछाने, पुग्ला त चलाउनेको भविष्यवाणी ?
चैत १५, २०८० बिहिबार
८ सय ७७ प्रहरी काजबाट फिर्ता
चैत १५, २०८० बिहिबार
सादा पोशाकमा प्रहरी परिचालन नगर्न हेडक्वार्टरको पत्र
चैत १५, २०८० बिहिबार
डीएसपी बढुवा सिफारिसमा किन विवादमा आए प्रधानमन्त्री प्रचण्ड र अध्यक्ष ओली ?
चैत १६, २०८० शुक्रबार
सर्वोच्चले गरिदियो कांग्रेस सांसद गुरुङको निलम्बन फुकुवा
चैत १६, २०८० शुक्रबार
आयरल्याण्ड वोल्भ्सविरुद्ध लोकेश बमको शतक
चैत १६, २०८० शुक्रबार
बागमती प्रदेशस्तरीय भलिबल प्रतियोगिता हुने
चैत १६, २०८० शुक्रबार
नयाँ शैक्षिकसत्र सुरु नहुँदै म्याग्दीमा पाठ्यपुस्तक भित्रियो
चैत १६, २०८० शुक्रबार
मन्त्रीहरुलाई राष्ट्रिय सभामा उपस्थित हुन निर्देशन
चैत १६, २०८० शुक्रबार
पृथ्वीबाट अचानक रक्सी पूरै गायब भयो भने के हुन्छ ?
चैत १६, २०८० शुक्रबार