कोरोना संक्रमित बेवारिसे शवको पहिचान नखुल्दै अन्त्येष्टि

१ असार, वीरगञ्ज । वीरगन्जमा कोरोना संक्रमित बेवारिसे शवको पहिचान नखुल्दै अन्त्येष्टि गरिएको छ । कोरोना संक्रमण पुष्टि भएका अन्दाजी २५ वर्षीय मृत व्यक्तिको पहिचान नखुल्दै नेपाली सेनाले अन्त्येष्टि गरेको हो ।

प्रशासनको आदेश अनुसार जेठ २८ गते वीरगञ्जको घण्टाघर अगाडिको वीपी उद्यान पार्कमा मृत भेटिएका बेवारिसे शवको अन्त्येष्टि नेपाली सेनाले शनिबार गरेको हो । सेनाको टोलीले इनर्वामा लगेर अन्तिम संस्कार गरेको थियो ।

वीरगञ्जस्थित चण्डीनाथ गणका गणपति मदनजंग राणाका अनुसार महानगरपालिकाले दिएको स्थानमा प्रोटोकल अनुसार शवको अन्त्येष्टि गरिएको हो । शव प्रहरीले फेला पारेको हो । पहिचान नखुलेका कारण उनी कसरी कोरोना संक्रमित भए भन्ने अझै पत्ता लागेको छैन । प्रशासनको आदेश अनुसार नेपाली सेनाले दाहसंस्कार गरेको हो ।’