स्याङ्जा कांग्रेसले बुझायो ध्यानाकर्षण पत्र, आत्महत्याको निष्पक्ष छानविन गर्न माग

♦ प्रकाश डोटेल

२ जेठ, स्याङ्जा । प्रमुख प्रतिपक्ष दल नेपाली कांग्रेस स्याङ्जाले प्रधानमन्त्रीलाई सरकारमा देखिएका कमीकमजोरी सुधार गर्नका लागि ध्यानाकषर्ण पत्र बुझाएको छ । प्रमुख जिल्ला अधिकारीमार्फत प्रधानमन्त्री कार्यालय सिंहदबारलाई ध्यानाकर्षण पत्र बुझाएको हो ।

नेपाली कांग्रेस स्याङ्जाका पूर्व सभापति खगेन्द्रराज रेग्मी, कार्यवहाक सभापति कुमार राना र संविधानसभा सदस्य राजु थापाको नेतृत्वमा ध्यानाकर्षण पत्र बुझाईएको हो । पुतलीबजार नगरपालिका १ स्थित अभियानपथमा रहेको पार्टी कार्यालयबाट निस्केको ¥यालीले चौकीबजार, हुलाकमार्ग, शहिदचोक, बैंकरोड हुँदै जिल्ला प्रशासन कार्यालयको गेटमा पुगि ध्यानाकर्षण पत्र बुझाएको कांग्रेस स्याङ्जाले जनाएको छ ।

प्रमुख जिल्ला अधिकारीमार्फत प्रधानमन्त्रीलाई बुझाएको ध्यानाकर्षण पत्र बुझाउँदै नेपाली कांग्रेस स्याङ्जाका प्रवक्ता इन्द्रबहादुर गोदारले ध्यानाकर्षण पत्रमा उल्लेख भएका मुद्दाहरु ¥यालीमा सहभागीलाई वाचन गरेर सुनाएका थिए । प्रवक्ता गोदारले वाचन गरेको ध्यानाकर्षण पत्रमा सरकार भ्रष्ट्राचार नियन्त्रणमा असफल, कोरोना भाइरस नियन्त्रणमा निकम्बा बनेको आरोप लगाइएको छ । उक्त ध्यानाकर्षण पत्रमा अव्वस्थित क्वारन्टाइनको सुधार, बिदेशमा अलपत्र परेका नेपालीको उद्धार, देशका विभिन्न ठाउँमा भोकभोकै रहेका नागरिकको हेरचाह गर्न जोडदार माग गरिएको छ ।

सरकारले आरडीटी परीक्षणका नाममा कोरोना भाइरसबाट नागरिकलाई त्रसित बनाएको उल्लेख गरिएको ध्यानाकर्षण पत्रमा तत्काल सतप्रतिशत पीसीआर परिक्षण थाल्न माग गरिएको छ । सरकारमा सहभागी मन्त्रीहरु भ्रष्ट्राचार गर्नमा तल्लिन रहेको अवस्थामा नागरिक आक्रान्त बन्न बाध्य भएको पत्रमा उल्लेख गरिएको छ ।

“हामी सरकारलाई सुधार गरेर लैजान आग्रह गर्छौं ।” कांग्रेस स्याङ्जाका कार्यबहाक सभापति बुद्धिबहादुर राना ‘कुमार’ ले भने, “जिल्लामा बनेका आइसोलेसनको सुधार, क्वारेन्टाइनको थप व्यवस्थापन र गल्याङ् नगरपालिकाका कर्मचारीले आत्महत्या गर्नुको निष्पक्ष छानविनको माग गरिन्छ ।” कांग्रेसले उठाएका मुद्दालाई कमजोर मानिए वा ठानिए कठोर कदम चाल्न आफूहरु बाध्य हुने सभापति रानाले चेतावनी दिए ।

कांग्रेस स्याङ्जाले बुझाएको ध्यानाकर्षण पत्र बुझ्दै सहायक प्रमुख जिल्ला अधिकारी धु्रव गिरीले आफूहरु सरकार र नागरिकको सेतुको रुपमा काम गर्ने निकाय रहेको बताउँदै कांग्रेसले उठाएको मुद्दाहरुमा सरकारले सुधार गर्नुपर्ने ध्यानाकर्षण पत्र तत्काल प्रधानमन्त्री कार्यालय पु¥याउने बताए ।

ध्यानाकर्षण पत्र बुझाउन जाने क्रममा आयोजित ¥यालीमा सरकार बिरुद्ध कडा नाराबाजी गरिएको थियो । ¥यालीमा सहभागीले भ्रष्ट सरकार चाहिदैन्, कोरोनाबाट नागरिकलाई आतंकित पार्न पाइदैन्, आरडीटी परीक्षण छाडेर पीसीआर परीक्षण सतप्रतिशत गर लगाएका नारा लगाएका थिए ।