इन्भेष्टमेन्टले पायो इटालियनबाट जमानत बापतको दुई अर्ब !

४ असार, काठमाडाैं । नेपाल इन्भेष्टमेण्ट बैंक लिमिटेड ‘एनआईबीएल’ले इटालीको बैंक इन्टेन्सा सन्पाओला एसपीएबाट बैंक जमानत बापतको ८५ करोड रुपैयाँ र युरो ८७ लाख ५० युरो गरी कुल दुई अर्ब रुपैयाँ भुक्तानी प्राप्त गरेको छ।

यो रकम इटालीको अदालत ट्रिबुनल डे बोलोनाका तीन न्यायाधीशहरूको इजलासको २०२० जुन ९ तारिखमा यसअघि प्रारम्भिक सुनुवाईमा सोही अदालतको एकल न्यायाधीशको इजलासबाट इन्टेसा सन्पाओला एसपीएलाई भुक्तानीमा रोक लगाउने गरी भएको आदेशलाई बदर गर्ने गरी भएको अन्तिम आदेशबाट प्राप्त भएको हो।

अन्तर्राष्ट्रिय अदालतमा सुनवाईको क्रममा पहिलो चरणमा जारी गरिएको अन्तरिम आदेशमाथि चुनौती दिइएपछि बैंक जमानत बापतको रकम सफलतापूर्वक प्राप्त गर्न सकिएको हालसम्मको नेपाली बैंकिङ्ग इतिहासमा यो पहिलो उदाहरण भएको नेपाल इन्भेष्टमेण्ट बैंकले जनाएको छ।

याे पनि :

इन्भेष्टमेन्ट बैंकले १६ महिनामा २ अर्बको मुद्दा जित्याे

नेपाल इन्भेष्टमेन्ट बैंकले इटालीबाट सवा अर्ब फिर्ता पायो

अर्बपति क्लबबाट बाहिरियो इन्भेष्टमेन्ट बैंक, खराब कर्जा दोब्बरले बृद्धि, मुनाफा र प्रतिशेयर आम्दानीमा २० प्रतिशतको गिरावट