विदेशबाट ल्याइयो २३ नेपालीको शव काठमाडौं 

५ असार, काठमाडौं । वैदेशिक रोजगारीका क्रममा ज्यान गुमाएका २३ नेपालीको शव काठमाडौं ल्याइएको छ ।ती शवहरु कतार सरकारकाे सहयाेगमा कतार एयरलाइन्स लिएर आएको हो । जस मध्ये कतारबाट २० वटा, दुबईबाट एउटा र कुवेतबाट दुईवटा शव बोकेर आएको विमान केही बेर अघि त्रिभुवन विमानस्थलमा अवतरण गरेको छ ।

यी शवहरु ६ महिनादेखि विभिन्न कारणले विदेशमा रोकिएका थिए । गत चैत पहिलो हप्तापछि अन्तर्राष्ट्रिय उडान रोकिँदा पनि धेरै शव नेपाल ल्याउन सकिएको थिएन । त्रिभुवन विमानस्थलमा ल्याइएको शव आफन्तको जिम्मा लगाइएको छ ।

शुक्रबार शव ल्याइएकामा बर्दियाका शुकराम थारु, सर्लाहीका अरुणकुमार पञ्जीपुर, मस्तक सैक र मनोज पासवान, महोत्तरीका शिवकुमार राउत र अनिल चौधरी, धनुषाका चाउतारवा मण्डल खत्वे, मकवानपुरका जितेन्द्र थापामगर, रुपन्देहीका यमबहादुर थापा, सिराहाका काशीनन्द्र यादव र रुपेशकुमार मण्डल, कपिलवस्तुका मोहम्मद अलामा मुसलमान, लमजुङका कुम्बा तामाङ, बाँकेका भक्तबहादुर थापामगर, सप्तरीका राजेन्द्रप्रसाद मण्डल छन् ।

र याे पनि :

आज कतारकाे सहयाेगमा २० जना नेपालीको शव ल्याइँदै