संचारगृहको नामावली सार्वजनिक गर्ने अध्यक्ष अर्यालको चेतावनी
नेपालबहस संवाददाता
असार ५, २०७७ शुक्रबार २०:१५:२३
५ असार, काठमाडौं । विभिन्न आमसञ्चार गृहहरुले कोरोना भाइरस (कोभिड—१९) को संक्रमण बढिरहँदा श्रमजीवी पत्रकार, कामदार र कर्मचारीहरुलाई नेपाल सरकारले तोकेको न्यूनतम पारिश्रमिक नदिएको, पारिश्रमिक कटौती गरेको, बेतलवी बिदा बस्न बाध्य पारेको र अमानवीय ढंगले जागिरबाट निष्काशन गर्न दबाब दिएको जस्ता उजुरी तथा गुनासा बढेपछि न्यूनतम पारिश्रमिक निर्धारण समितिले यो विषयलाई गम्भीर ढंगले लिएको बताएको छ ।
न्यूनतम पारिश्रमिक निर्धारण समितिका अध्यक्ष राजेन्द्र अर्यालले आज एक प्रेस विज्ञप्ति जारी गर्दै कोरोना महामारीका बेला श्रमजीवी पत्रकार,कामदार र कर्मचारीहरुलाई नियमित पारिश्रमिक भुक्तानी दिन, नेपाल सरकारद्धारा तोकिएको न्यूनतम पारिश्रमिक उपलब्ध गराउन र यस्तो संवेदनशील घडीमा जागिरबाट निष्काशन नगर्न सम्बन्धित सञ्चार गृहलाई अपिल गरेका छन् । अध्यक्ष अर्यालले विभिन्न संचारगृहले लकडाउनलाई निहुँ बनाएर श्रमजीवीहरु माथि मनोवैज्ञानिक त्रास सृजना गर्न खोजेको भन्दै यसलाई समितिले नजिकबाट नियालीरहेको र अनुगमन कार्य पनि अघि बढाएको बताए । समितिले आवश्यक परे यस्तो कार्य गर्ने संचारगृहहरुको नामावली सार्वजनिक गर्ने चेतावनी पनि अध्यक्ष अर्यालले दिएका छन् ।
कोरोना संक्रमणका कारण आमसंचार क्षेत्रमा संकट गहिरिदै जाँदा यसले जनताको सूसुचित हुने अधिकार समेत खुम्चिन सक्ने विषयलाई ध्यानमा राख्दै आफ्नो कार्यमा क्रियाशिल श्रमजीवी पत्रकारहरुको पेशागत सुरक्षाको ग्यारेन्टि गर्न सम्बन्धित पक्षको अध्यक्ष अर्यालले ध्यानाकर्षण गराएका छन् । उनले संचार उद्योगलाई सेवा उद्योगका रुपमा विकास गरी पुर्नकर्जाको व्यवस्था गर्न र श्रमजीवी पत्रकारलाई बीमा एंव राहतको व्यवस्था गर्न नेपाल सरकारसमक्ष आग्रह पनि गरेका छन् । साथै, अध्यक्ष अर्यालले प्रदेश सरकार र स्थानीय सरकारलाई आमसंचार माध्यम र श्रमजीवी पत्रकारहरुको पेशागत सुरक्षाका लागि आवश्यक राहत प्याकेजमार्फत सहयोग पु¥याउन पनि अपिल गरेका छन् ।
एक नेपालीले अर्का नेपालीलाई दुःखका बेला सहयोग गर्ने हाम्रो संस्कार र संस्कृति भएको स्मरण गराउँदै सो विज्ञप्तिमा अध्यक्ष अर्यालले यस्तो बेला तलब नदिनु, नियमित तलब नदिनु, एकपक्षीय ढंगले तलब कटौती गर्ने र निष्काशन गर्ने जस्ता कार्य नेपाली संस्कार,संस्कृति र मानवीयता भित्र नपर्ने जनाए । अध्यक्ष अर्यालले यस्तो महामारीका बेला श्रमजीवीको बाच्न पाउने अधिकार तथा हकहितको रक्षाका लागि ध्यान दिन सबैमा हार्दिक अपिल गरेका छन् ।
यस विषयमा हिजो (विहिबार) मात्र न्यूनतम पारिश्रमिक निर्धारण समितिले प्रेस रजिष्ट्रार, नेपाल पत्रकार महासंघ लगायत १० वटा सरोकारवाला संघ-संस्थाका प्रमुखहरुसँग छलफल समेत गरेको छ । कोरोना भाइरस संक्रमण र लकडाउन पछि श्रमजीवीहरु माथि बढ्दै गएको पेशागत संकटले मनोवैज्ञानिक त्रास बढेको भन्दै समितिले गहन अध्ययन तथा अनुसन्धानका साथै सघन छलफल प्रारम्भ गरेको हो ।
कोरोना भाइरसको बढ्दो संक्रमणले संचार माध्यम र श्रमजीवीहरु माथि आर्थिक दबाब बढ्दा गम्भीर संकट निम्त्याउन सक्ने भन्दै यसको सम्बोधनका लागि सरोकारवाला सबै समयमै गम्भीर बन्न पनि अध्यक्ष अर्यालले आग्रह गरेका थिए । उनले सामान्य अवस्थादेखि प्राकृतिक विपद,महामारी,सशस्त्र द्धन्द जस्ता विषम् परिस्थितिमा अग्रपंक्तिमा रहेर जनतालाई सूसुचित गराउन क्रियाशील संचारकर्मी र संचार माध्यमको संरक्षण गर्नु सबैको दायित्व भएको उल्लेख गर्दै आमसंचार क्षेत्रमा संकट थप चर्कन जानेतर्फ सचेत रहन एवं यसका लागि सरोकारवाला पक्ष र सरकार गम्भीर बन्न पनि आग्रह गरेका थिए ।
नेपालबहस संवाददाता
नेपालबहस डटकमको अंग्रेजी संस्करणका साथै अनलाइन टीभी पनि सञ्चालित छ । फेसबुक र ट्वीटरमार्फत पनि हामीसँग जोडिन सकिनेछ । नेपालबहसमा प्रकाशित कुनै सामग्रीबारे कुनै गुनासो, सूचना तथा सुझाव भए हामीलाई [email protected] मा पठाउनु होला । धन्यवाद ।
लेखकबाट थपव्यवसायीलाई जरिवाना बढी भयोः वरिष्ठ उपाध्यक्ष श्रेष्ठ
माघ १५, २०८० सोमबार
तेस्रो मुलुकका लागि निर्यातको शुभारम्भ
माघ १२, २०८० शुक्रबार
महानगरविरूद्ध सडक व्यापारीले आन्दोलन गर्ने
माघ १२, २०८० शुक्रबार
विराटनगरको रानी क्षेत्र तनावग्रस्त, दुई समूहबीच ढुंगा हानाहान
नेपालबहस संवाददाता
बैशाख ५, २०८१ बुधबार
सत्ता र शक्ति भएपछि न प्रहरी लाग्छ, न अदालत ?
नेपालबहस संवाददाता
बैशाख ५, २०८१ बुधबार
आइसीसीको टी-२० वरियतामा दिपेन्द्रको छलाङ
नेपालबहस संवाददाता
बैशाख ५, २०८१ बुधबार
हार्दिक पाण्डेयलाई १२ लाख जरीवाना
बैशाख ७, २०८१ शुक्रबार
विलासी जीवन जिउने विद्या बालनले किन मागिन भिख ?
बैशाख ७, २०८१ शुक्रबार
त्रिभुवन विमानस्थलमा जहाज डिले हुँदा यात्रु मर्कामा, एति एयरलाइन्सको काउण्टरमै नाराबाजी
बैशाख ७, २०८१ शुक्रबार
भारतले रोक्यो नेपाली चियाको निर्यात
बैशाख ७, २०८१ शुक्रबार
संसदीय समितिमा फास्ट ट्रयाकबारे सेनाको बिफ्रिङ
बैशाख ७, २०८१ शुक्रबार
प्रिमियर कपमा तेस्रो स्थानको लागि नेपाल र हङकङ खेल्ने
बैशाख ७, २०८१ शुक्रबार
एसीसी प्रिमियर कपको फाइनलमा ओमान र युएई भिड्ने
बैशाख ७, २०८१ शुक्रबार
नेशनल पेमेन्ट गेटवे भ्रष्टाचार प्रकरणमा सुनिल पौडेल दोषी ठहर, ८ जनाले पाए सफाइ
बैशाख ७, २०८१ शुक्रबार
धरौटी बुझाउन नसकेपछि दीपेश पुनलाई जेल पठाइयो
बैशाख ७, २०८१ शुक्रबार